ديوان قصائد لشعراء المملكة العربية السعودية (متجدد)☘️☘️

كره الاخوان منبوذ
من يكره اخوانه عسى عمره
يزول.
ولايكمل يوم من بعد
خمسين.
ولا الجذام يكلبشه هول
في هول.
اللي يكن لاخوه حقد
العداوين.
من يستغل اخوه حاسد
ومعلول.
جعله بصرعه تجبره يفقع
العين.
ومن حبهم قولوا عسى عمره
يطول.
جعله سعيد الحظ بين
البلادين.
ترا الاخوه تضحيه فعل
وقول.
ماهي بلعبة طفل يرضع
بيدين.
الاخ لاجل اخوه يصمدعلى
طول .
ويحاول يسليه بالعطف
واللين.
اخوك مثل اليد وحزام
مدبول.
ومن صبر لاخوه يبشر
بثنتين.
يكسب جميل ويكسب الاجر
معسول.
يسلم كلام الناس والكرب
والدين.
والله يجيره من اذى كل
مفلول.
ويسهل امره لين يوصل
ثمانين.

صالح أبو غريب

الشامتينا
الله واكبر وش بقى في
يدينا.
غير القهر وعبور جسر
الندامه.
ياهل الهوى مماجرالي
شكينا.
كثر العنا محرمني
الابتسامه.
ياهاجري من فعلكم
مانسينا.
الله يسامح من ذبحني
غرامه.
بالصدق والاخلاص معهم
مشينا.
من عز نفسه عاش فوق
الزعامه.
ياوحشتي ياصرختي
بالونينا.
صرخة يتيم صاح باول
فطامه.
على الذي من سبته
ماهتنينا.
اسهر وهوه مهتني في
منامه.
من شاطي المندب الى حدود
سينا.
ماشفت مثله بالوفا
والوسامه.
ان كان ماشربي من ايدي
اليمينا.
شربي على يدين غيري
ملامه.
زرت الرياض وفوق برجه
رقينا.
رسمت في وادي حنيفه
علامه.
واصبحت انا محروم مثل
الحزينا.
كني عليل جته حمى
تهامه.
مات الغرام ومات حب
بنينا.
ولابقى للود جد
وصرامه
مرحوم ياحب مع
الميتينا.
الله يجبر خاطري
بالسلامه.
حبي اندفن من فوقه اكوام
طينا.
جدرانه انهدت وطاحت
خيامه.
بعض الجروح الضيم منها
سنينا.
حتى الجمل لا طاح يضعف
سنامه.
صارت حكايتنا منى
الشامتينا.
والحزن جو الصدر مثبت
صمامه.
ادري غلط حتى ولو ما
رضينا.
الرزق بيد اللي عظيم
مقامه.
والله يعوضنا بما صار
فينا.
يارب غفرانك بيوم
القيامه.
ابوغريب يقول يالله
تعينا.
يارب في سترك مع
الاستقامه.


صالح أبو غريب

شباب هذا العصر
بسم الله الرحمن الرحيم.
شيلة بعنوان ولد الظفر للشاعر فالح الشهراني .اعجبت بها فاحببت ان اجاريها بابيات متواضعه ..
وارجو ان لا تنطبق على اكثر شبابنا ففيهم الخير..ولكن البعض منهم يخرج عن المألوف ويصبح خصما لدودا لوالديه .لاسباب كثيره منها المخدرات ومحاربة الأفكار .او تحريض الابن من امه المطلقه ضد والده لتنتقم منه بسبب طلاقها منه..ووووو..



ربيت ولد الظفر في مقدم
الشبه.
ابغيه عند اخر المشوار
يكفيني.
يقضي لزوم علي متحتم
نبه.
اما قضى لازمي ولا
يوديني.
وابغيه شهم تقي طايع
ربه.
عيناه صوب المساجد
والمصليني.
وابغيه مايلححقه من المجتمع
سبه.
وابغيه مايتبع الناس
المقفيني.
وابغيه في مضرب الامثال
يضربه.
وابغيه ضمن الرجاجيل
المسميني.
وابغيه يدرا على كبري
ويحسبه.
وابغيه يزعل شماميتي
ويرضيني.
ولا على ويش يوم اغليه
واحبه.
لاصار عند الكبر ماهو
يراعيني.
ان كان مافي حياتي شالني
جنبه.
ماني على حاجته لا مت
يبكيني..
كلمات فالح الشهراني..


وهذه مجاراتي ..

اخاف ولد الظفر لاشبت
يتنبه.
واخاف لاطحت يتمرد
ويشقيني.
واخاف لاينخرط في افكار
تلعبه.
ويكون خصمي يشمت بي
ويفنيني.
ويهينني لا كبرت ويكمل
اللعبه.
ويحاول انه من الويلات
يكويني.
ويحاول انه يزيد الجمر
ويشبه.
يحرق حشايه ويقهرني
ويعصيني.
وان شافني عاجز من المشي
في غبه.
يرفع عصاته علي
ومايقهويني.
وان غبت عن بيتنا بيحوله
عزبه.
ويشيل باقي ثيابي
مع
دواويني.
وان شافني راجع للبيت
له نكبه.
يروح عني مع اصحابه
بلا ليني.
ويصيح بالصوت عالي
بالرعد يشبه.
ويحاول انه يدور عذر
يمحيني.
واعيش باقي سنيني
كني بغربه.
عايش بقهري ودمعي سال
من عيني.
ولا بقالي حنان او عطف
في قلبه.
قاسي عليه ونظراته
تقاسيني.
واذا طلبته علاجي شاله
وكبه.
وان طحت من فوق كرسي
مايساويني.
العصر هذا خطير اولادنا
نشبه.
الله يخارج كبار السن
من الشيني.
صالح يقول الشقاوي مالقي
طبه.
والعجز بعد الهرم يمحي
الموازيني.


كلمات صالح ابوغريب.

صالح أبو غريب

الموت حق
بسم الله الرحمن الرحيم.
في يوم الجمعه الموافق 12 ربيع الآخر لعام 1442من الهجره انتقل الى رحمة الله الشاعر والراوي عبدالرحمن بن علي الصخيف الشمراني ..
ودفن في مقبرة جميع ببيشه نسأل الله العلي القدير ان يتغمده بالرحمه وان يلهم اهله وذويه الصبر والسلوان..


ياالاهي عالم الغيب
واجهاري.
ماحد ينجى من الله
بهروبه.
انت فوق العرش يالخالق
الباري.
ياعظيم يحرق ابليس
بشهوبه.
ارحم اللي كان فارس
ومغواري.
يالله انك ترحمه واغفر
ذنوبه .
موتته في يوم جمعه مع
امطاري.
موتتة الجمعه في الاسلام
مرغوبه.
الصخيف كان مايؤذي
الجاري.
كان مثل النمر والمجد
يزهوبه.
الصخيف مات وانشلت
افكاري.
واصبحت دنياي من بعده
العوبه.
حن بنؤمن بالمصايب
والاقداري.
قبل نزع النفس من الروح
مكتوبه.
يالله ان تحسن عزانا بما
صاري.
واجبر اهله واجبر نفوس
مكروبه.
جعل روحه داخل جنان
بانهاري.
يهتني فيها مخلدومن
جوبه.
كان ملفى للمخاليق
باكثاري
دايم النيران للضيف
مشبوبه.
كان جيد للكرم منبع
وضاري.
كانت وجيه النشاما تجي
صوبه.
والله ان الحزن في قلبي
اجباري.
كيف ابنسى بومحمد
ومسحوبه.
كان يطربنا بشعره
وبيثاري.
جلسته بين المطاليق
محسوبه.


صالح أبو غريب

الموضه دلع
الردي لاشفت زوله
اسفله


والبغيض اعطيه فرصه
ينقلع.
شوفته عندي مثيل
القنبله.
ما اطيقه هرجته ما
تنبلع.
والغشيم احسب حسابه
وجهله.
ماشتري وابيع من صوبه
سلع.
وابتعد عن مايثير
المشكله.
وانتبه للداب لامنه
طلع.
والمهايط حاول انك
تهمله.
صحبة الكذاب والسارق
هلع.
كم عشيق كاد حبه
يقتله.
من مفارق عاشقه ثوبه
شلع.
اشهد ان الدهر ينهي
المهزله.
واقتران الوقت بالموضه
دلع.
بو غريب من الخطا ماله
صله.
عن رفاق السوء من دربه
خلع.
من سمح للنفس للهم
تحمله.
ماينال الا الحسافه
والصلع.

صالح أبو غريب

القوافي والقيفان
بسم الله الرحمن الرحيم.
هذا النص كتبته في شاعر غني عن التعريف وهو شاعر العرضه سعد سالم القرني حفظه الله ..
واتمنى ان تصل اليه هذه القصيده مهداة مني اليه عبر ديواني بمنتدى شمران الرسمي.
هذا المنتدى الذي يتميز عن غيره في جميع المجالات.وليس بالشعر فقط..
واتمنى ان تكون كلماتي تصل للشاعر وان تكون مقبوله لديه فلن توفيه كلماتي حقه مهما قلت وكتبت وتقبلوا مني تحياتي جميعا..


يالله اني طالبك فانت للداعي
قريب.
اعف عنا فانت يارب رحمن
غفور.
بعدها مني سلامي مع ورد
وطيب.
يوصل الرجل المهذب ويكتب في
سطور.
واقبل تحيات واشواق صالح
بوغريب.
شاعر يكتب لك الشعر من عمق
الشعور.
تستحق المدح والود يالسمح
النجيب.
وانت ساس الطيب يابن النمور ابن
النمور.
الشعف روس القبايل ولدهم
مايخيب.
كاسبين المدح والفوز في كل
العصور.
ياسعد لك عندنا قدر عالي وانت
ذيب.
لاغرابه في الذيابه لها طبع
الصقور.
لو وصفتك مابنوفي بحقك
مانصيب.
تعجز الأبيات في مدح مثلك
دور دور.
انت مبدع للقوافي ومحسوب
واديب.
وانت عابر للمحيطات وأنواع
البحور.
في بحور الشعر قيفان بوحك
مايشيب.
مايجي في بدعك الشعرشك
ولا قصور.
تشهد الساحات لمواقفك وايضا
تجيب.
انت نادر في وجودك ولايمكن
تبور.

صالح أبو غريب

لاتشرب هماجي
ليتني احطك على متني
واشيلك.
غير ماعندي على شيلك
خراجي.
اعطني رقمك مع سنابك
وميلك.
خلنا ندخل على سوق
الحراجي.
يالطيف الروح تبكي
ياحليلك.
ليه تبكي وانت من العدوان
ناجي.
من يشد الرحل من حقه
يجيلك.
ويتمنى في لقاكم
باندماجي.
انت مانت لوحدك اللي
سب
جيلك.
كل شده بعدها ياجي
انفراجي.
يمكن ان الحظ بيعوض
بديلك.
والبديل يكون معدول
المزاجي.
حتى لوهو لازمك ما ينقضي
لك.
انتظر لين البحر يطفر
هياجي.
وان تحديت الزمن ينهد
حيلك.
وان لقيت الماء فلا تشرب
هماجي.
وان لحظت انك لغيري
كان ميلك.
اعترض واكتب عتابي
واحتجاجي.
بوغريب يقول ليت انه
وكيلك.
يمنعك من الضيم في وقت
العجاجي.

صالح أبو غريب

وصفه طبيه
العنب والجح والموز
والمنقا .
ترفع السكرالى فوق خمس
ميه.
واجعل من التمر والبر
للحلقا.
ولاتكثر في العشا واضمر
النيه.
واجعل من المشي برنامجك
ترقا.
خفف من الرز وأكثر
ملوخية.
ثم رح للبر لاشفت لك
برقا.
ثم تسلق للجبل روحه
وجيه.
والدسم والزيت لوتبلعه
تلقا.

تلتقي العله تجي ميه
بميه.
ولا تكثر لحم لا صرت في
طرقا.
خفف من اللحم الاحمر
كل شويه.
لا تكثر شرب الالبان
لو تشقا.
واشرب الما من ينابيع
منقيه.
والشعير مع الذره والدخن
لحقا.
ثم خلطها وتلقى لها
اهميه.
والعسل والسمن مخلوط
لو تلقا.
حطها عالبر خلطه
اضافيه.

صالح أبو غريب

ياعيدليتك ماحضرت
سميت هذا العام عام
الكآبه.
عام الحزن والرعب باشرس
قساوه.
شمر بذرعانه وكشر
نيابه.
تعمق بسطوه بكل
العداوه.
حاشد جنوده للبشر
في مهابه.
يحمل بسطوه سم باكبر
ضراوه.
مرسل جنوده مثل نشر
السحابه.
ومفرق افواجه بحضر
وبداوه.
فلس براعي المال والغى
حسابه.
وراعي الوظيفه شال منه
العلاوه.
حول كثير الخلق مثل
الغلابه.
مثبت جوعه بعزم
وشقاوه.
وايتم اوادم مثل فتك
الذيابه.
شتت اسرماتهتني
بالحلاوه.
ماحد قدر يوقف بدربه
يجابه.
من جابهه يستقبله
بالحفاوه.
دهرن مروعنا بقاسي
صلابه
يهجم على الرضع بجرم
وسطاوه.
مثيل جيش منظم
بانقلابه.
يجعل على عين المشاهد
غشاوه.
يتفنن في الموت ماله
مشابه.
يقتل ويخنق مسرع
بالخطاوه.
ويصرع الشيبان باشنع
عذابه.
جسم الضحيه يدخله
بالهداوه.
الهنا المعبود مفتوح
بابه.
تبدل الغمه سلام
وطراوه.
على الله بنشكي ومنه
الاجابه.
ياشافي المضطر شافه
وداوه.
يسمع لمن ناجاه ولا
التجابه.
ولايضيع من عبده
بنقاوه.
ياعيد ليتك ماحضرت
الاصابه.
وتكون ياعيد الفرح في
تقاوه.
واجلت فرحاتك وحلو
الخطابه.
حتى تزين ايامنا
بالهناوه.

صالح أبو غريب

وزن ذره
هاضت هواجيسي بعدد عشرة
ابيـــــــات
في كل بيتٍ فيه فكــــره وعبـــــــــــــره


الجيّـــــد من الخلق يفقـــد اذا مـــــــات
والخيّــب من الناس ننــــســــاه بكـــــره




وابن الحمولــه ينفعــك في المهمـــــات
واللاش من قربه تنال
المضره.



والنّــذل لاشفتــه قل ابغـــي قريشـات
من شـــان لاشــافك يعجّــل بعــــذره



واحــذر من النمّـــام وقت الملمّــــــات
يثقل عليك الهم في كــلّ
فــتــره



وابعد عن الكـــذاب هــرجــه متــاهــات
ماله مـــع اهـل الصــدق مقــعــد يسره






ولاتخــاوي راعـي الكبــر بالـــــــــذات
النــــــــاس تستصْغـــرْه في وزن ذره



واسأل عن أقاربك في كل
الأوقات.
ولا تقاطعهم ولو كنت
مكره.




ابوغريب يقول هيهــات هيهـــــــــات
دنيــاك تخـــدع مالهــــا من مقـــــــره





ان سرّتــك يومٍ لــها احزان واهــــــات
تضايقك وتعـــود كـــــــره وكــــــــره

صالح أبو غريب