ديوان قصائد لشعراء المملكة العربية السعودية (متجدد)☘️☘️

الرحمه هنيه


جاتنا الأمطار والرحمه
هنيه.
نحمدالرزاق رب
العالمين.
تمتلي الآبار والمويه
نقيه.
ويزرع الفلاح ورد
وياسمين.
انفجار النفس ثوره
داخليه.
كاندلاع الحرب بين
الدولتين.
واحترام الناس ميزه
عالميه.
تجعلك بارز مثيل
الحاكمين.
والحكيم ان قال كلمه
صيرميه.
فايده تنقل تسر
السامعين.
والذي باسم ولا ينطق
بسيه.
مثل راعي الورد يقطف
باليدين.
والكريم يسود وايدينه
نديه.
مثل دهن العود بين
الجالسين.
والوفي راقي وفي نفسه
أبيه.
ماتغيره الحضاره
والسنين.
والحشيم الشهم له ميزه
قويه.
يكسب اللي يعرفه من
المسلمين.
بوغريب يحب من روحه
زكيه.
مرهف الاحساس بو عقل
فطين.
صالح ابو غريب

البداوه والقراوه

هذه القصيده مجاراه لقصيدة طبع البداوه والتي قاما بادائها المنشدين
كلامن..
المنشد/ حمد بن مسفر الشمراني
والمنشد /مسفر بن شنيف الشمراني...




يابن مسفر قلت في طبع البـــــداوه
أنت وابن شنيف اجدتوا لاغـــرابه

البداوه ماتقارن بالقـــــــــــــراوه
شوفـة اهل البــر للقمــرا رحابه

البداوه حاليه لو هي شقـــــــــاوه
يوم كلٍّ للخــوي يحسـب حــسابه

الصحيح ان الهوا يثبت غـــــلاوه
كل عشّــاق الهــوا عاشــت غلابــه

الهوا راعيه يلقابـــه قــــــــــســاوه
مايرد ولا بتسمع لــــــه اجـــــابه

من يخاوي في الهوا من قال لاوه
يتعبــه ويحط نفسه في نشابــــــه

حتى لو غبّــا ويظهرْ لكْ حفــاوه
اعرف انْ قلبــه مـن الداخــل نهابه

دايم فكره بيسبـــــح في عــــلاوه
ياحليـــل اللي في الحب ابتلابـــــه

المحبّــه ماتلــــــــــــــيّّنــها الهراوه
والمعزّه ماتزيّنهـــــا الرقــــــابـــــه

كلها الثنتين ماتقـــــــــبـــل غـــباوه
الهوا وقّــف ونــــوّخ فـــي ركـــابه

وانظر ان الحب يمضي في سحاوه
واكثراهل الحب تمضي في سرابه

ياوليفي لو سمحت القـــــلب داوه
آه ياويـــلي وقلبــــي يــــاعذابـــــه

بوغريب يقول ودّه بالغـــنـــــــاوه
غير ماحـقّـق يكون الاّ الصّـــــــلابه

ليتني مثل القمـــر لاهل الخـــــلاوه
يرسل اشعاعــــه على كل الشّـــعابه

خذت انا في العشق حقي من الضراوه
ثم ذقت المـــرّ وانواع الاصــــــــابه

بوغريب يقول وده بالهداوه
علما اني أحيان تنقصني
الاجابه


صالح ابو غريب

من ابوغريب الى تركي بن طلال ياسلامي عدماطر رش
نوه .
للنجيب الكفوتركي بن
طلال.
ياامير العدل يارمز
المروه.
مابعد شفنا مثيلك
بإكتمال.
تعرف الكاذب وتدري
مين هوه.
تلجمه بغته ولاتعطي
المجال.
شخص راقي والفراسه
من علوه.
كامل وصفه ولله
الكمال.
التواضع فيك ميزه
ياسموه
ثابت في منصبك ثبت
الجبال.
والوفى لك طبع ثابت
والاخوه.
في علو المجد من فوق
الهلال.
افرحي يابها وعيشي
في زهوه.
الامير الفذ محمود
الخصال.
جعل منهومرسلك
يحظى بقوه.
الملك سلمان للعليا
ينال.
له ولي العهد حافظ
للأبوه.
شامخ في سيرته فوق
الخيال.
صالح ابو غريب

نارين الجميل

اهل الردى لا احسنت فيهم
يجافوك.
ياكثرهم من ينكرون
الجميلي.

واهل المصالح لاحصل
سهو
لاموك.
ويحملونك كل نقص
وميلي.
واهل الحسد بقلوبهم
مايحبوك.
بقلوبهم حقد
يشيلوه
شيلي.
واهل الردى لو حاولوا
انهم
يماشوك.
يمكن يحطونك على جرف
سيلي.
واهل النفاق يقدرونك اذا
جوك.
وان رحت عنهم ينعتونك
بذيلي .
واهل الريا يقلون لك
حين يلقوك.
انت الزعيم اللي على
كل جيلي.
واهل التهم في غيهم
مايخلوك .
يحاولون يشوهونك
بليلي.
واهل الشماته لاحكوا فيك
يشووك.
مايرحمونك يثبتون
الدليلي.
واهل النمايم يوضعونك
على شوك.
حتى من الاوهام تصبح
هبيلي.
واهل القفا في مجتمعهم
يسبوك.
ولالنا قوه عليهم
وحيلي.
واهل القلوب السود
عدوان
لابوك.
اللي عدو ابوك قلبه
غليلي.
واهل الدسايس لاختلوا بك
يهينوك.
ينوون في قهرك وتصبح
ذليلي.
مثيل ذولا شلة
اعدا
يضروك.
لاشفتهم فاسكت وهرجك
قليلي.
ولا ترافقهم على التلف
يرموك.
فلا بتلقى رجل منهم
فضيلي.
يالله تفرقهم وانا اطلبك
وارجوك.
ان تجعل الاشرار في
كل ميلي

ابوغريب من الزمن شبه
مربوك.
يحاول يغامر وباله
طويلي


صالح ابو غريب

صديق السوء

اللي وقف في موقف الرخص
ينهان.
حتى و لوطالت قرونه
عمودين.
واللي جهورفي كلامه
ببهتان.
مثل الذي مسرع على سكة
الرين.
لاجاه حادث ينقلب وين
ماكان.
على السفلت يسيح دمه
على الطين.
خاسي من اللي بين أقاربه
غلطان.
مايامنونه لوقسم حلف
ويمين.
خلا العلوم الهايفه شوف
الأعيان.
شره تمادى لين وصل
البعيدين
اللي يراوغ من البشر ماله
امان.
هذاك مثل الحيه اللي
بنابين.
ماينفعك في شي لاماحصل
شان.
إذا طلبته حاجة قال
بعدين.
طبع العقارب تلدغ بكل
الأحيان.
ولا تراعي من حملها
بيدين.
بعض البشر يجلب لك الهم
باحزان.
ويهاجمك بالرد من نطقه
الشين.
بالغطرسه يمرح وبالفعل
شيطان.
في مجلسه كنه محرر
فلسطين.
واللي نوى يسفهك بادله
حقران.
حتى يقر انك من أهل
الميامين.
واختر من الأصحاب من فعله
يبان.
سليم عقل ونيته كلها
لين.
يفرح بك ايلا جيت ويكون
فرحان.
بعلومه الحلوه بزين على
زين.
ابو غريب يقول ياطير
حوران.

سلم على الغالي وقله على وين


صالح ابو غريب

الشقاق والنفاق

احتمال الصبر علقم
مايطاق.
وانكسار النفس من جور
الحياه.
والقهر للنفس ضغط
واحتراق.
مثل بيع الغبن قبل
الإنتباه.
واصعب الأوقات وقت
الافتراق.
واتعس الحالات ضيق
الصدر
آه.
والتنافس ينتشي حين
السباق.
والحكيم يبين قوله من
حكاه.
كل عاشق مولع
بالاشتياق.
مثله العطشان لاشاف
المياه.
والهواوي من غرام الوجد
ذاق.
كلها امانيه للصاحب
يراه.
راعي المعروف معروفه
سياق.
جعلها الجنه نزوله من
رباه.
والكريم يسود لو هو
في العراق.
مالحقه اللي تسرع في
خطاه.
وابتعد عنهم كثيرين
الشقاق.
مالهم غير الحناشل
والجناه.
بو غريب يشوم من اهل
النفاق.
شوفهم تدخل في عيونه
قذاه.
صالح ابو غريب

امة الاسلام

بوغريب يقول عنده
عقدتين .
يكره الحساد واعداء
النجاح.
مجتمعنا مبتلى من
فرقتين.
فرقة تجمح وفرقه
في جراح.
وارتباط الشيعه باسم
الحسين.
في عقايدهم لفايف
وانفتاح.
هم عن المله وعنا
خارجين.
فكرهم فيه المناكر
والكساح.
منهج الاسلام جمع
المسلمين.
سنة محمد تنادي
للفلاح.
والزمن هذا غزونا
المشركين.
ينشرون افكارهم مثل
اللقاح.
وانتشر في الناس خصم
الوالدين.
والصله صارت يتيمه
ماتتاح.
والغلا والغش مقبوح
وشين.
والنسا صاروا يديرون
النكاح.
واصبح الكادح يصفق
باليدين.
مزعجه همه بليله
ماستراح.
امة الاسلام يا اهل
اليقين.
ابعدوا عنا البدع فالصبر
باح.
وارجعوا لا الله رب
العالمين .
لايجينا رجفة فيها
اجتياح.


صالح ابو غريب

يتبع الضان

المدح في الناقص ظليمه
وخسران.
مايستحق المدح حضرة
جنابه.
مايعترف بالجرم لوكان
غلطان.
يخالف السراح وقت
الحرابه .
ويغالط اهل الفكر في
بعض الأحيان.
يغمز ويهمز يعتبرها
دعابه.
ويحاول يراوغ علن اينما
كان.
واذا سألته ماعطاك
الاجابه.
طبعه خبيث ومحترف
ماله
امان.
جعله ببقعا والبلا
والاصابه.
لا كنت محتاجه فلا
يقضي الشان.
يفر من حولك مثيل
السحابه.
واذا عطيته سر يفشيه
فرحان.
ويعمم امرك لين تصبح
نشابه.
مثيل هذا جعله يكون
هلكان.
لاعطاك علمه لاتحسب
حسابه.
وقت الشدايد ماتشوفه
ولايبان.
ماشي غلط بين الأهل
والقرابه.
ابدعي الله لايجازيه
بإحسان.
ويحد مابيني وبينه
رقابه.
في حضرته تحضرمعه
سودالاحزان.
هذاك من ضمن الشلل
والعصابه.
مايصلح الا للغنم يتبع
الضأن.
ويكون متخفي مع أهل
الغلابه.


صالح ابو غريب

مروي للبساتينا

انا سهران ليلي ماقدرت
ارقد .
والبشر كلهم في الليل
ممسينا.
واحمد الرب لانافق ولا
بحقد.
اتعامل مع الاجواد
باللينا.
وابتعد عن جميع اللي لهم
مقصد.
همهم يلصقون الهايفه
فينا.
مابماشي قليل الراي
والمقرد.
ناقص العقل مايكمل
مساعينا.
والردي ماسمع لقوله
اذا ورد.
مثله يعوق ويهبط
هقاوينا.
واحذر النذل لاشفته
يحق الصد.
لف وجهك وصده لا
يخاوينا.
واحذر ان هاجمك فاستعجله
بالرد.
وان سفلته يكون الرد
تلقينا.
احترم كل متواضع
ولا تنكد.
واجعل المحترم لبسك
وتاجينا.
ولاتخاوي قليل الاصل
لوقلد.
ينقلب معدنه مضروب
بالزينا.
اذكر اني وقفت بهضبة
المربد.
يوم ابويه براس الذيب
لاقينا.
ذيك الايام كنا ننكرف
وانكد.
والمطر كان مروي
للبساتينا.


صالح ابو غريب

اختصار الهرج.

لانويت تصاحب الناس لاتصحب
غشام.
اختر الافضل من الناس والنذل
احذره.
اختر اللي تعتزي به من اربوع
حشام.
ان نصيته في لزوم طلبك
يوفره.
والمراوغ يدبل الكبد ويضيم
العظام.
لاتسافر معه لو يدفع اجر
التذكره.
رافق المتواضع ان كان شفته
ياسلام.
واحتمل زلته وان خاصمك
لاتعسره.
والخوي اللي يراعيك في وقت
الزحام.
احترم رايه وقدره حق
المقدره.
اختصار الهرج يعطيك هيبه
واحترام
والهياط وكثرة الهرج تصبح
ثرثره.
والتزام الصمت وسط المجالس له
مهام.
والنمامه والشماته تجيب
الهستره..
من عمل معروف يندم اذا اعطاه
اللئام.
ومن عطا سره لشامت سريع
يبعثره.
من عطى مهله للانذال يعرض
للخصام.
وان عطاهم وجه وسط المجالس
تحقره.
لاترافق كل من لايبادلك
اهتمام.
اعطه الفرصه وزعله حتى
تخسره.
واترك النقاد في حالهم دون
التزام.
وان نخاك الخصم فالعفو عند
المقدره.
واغتنم فرصتك من العمرعام بعد
عام.
قبل لا توصل بجثتك صوب
المقبره.
بوغريب اغلب حياته قضاها في
صدام.
لاصنع معروف في الناس يلقى
مقشره.
صالح ابو غريب