فوق هام السحب ( الشعر الشعبي) على متن القوافي

قاوم ظروفك وشيّد بالأماني صروح
ولا تخبِر الناس بهمومك يزيدونها

سطوات الأيام لو جارت تمر وتروح
واللي له أهداف يصمل لايجي دونها

الرزق مكفول دام إن الجسدفيه روح
والعالم أقدار ربك ما يردونها


.......

ضحكت ما فيه الكفايه وجاملت
وقابلة طعنات القفى بالتغاضي

واشوف غدر وظلم واقول ما شفت
صعبه تقاضي الناس ما دمت قاضي

و انا ليا مني هرجت و تكلمت
يسمعني اللي في الحساء والرياضي

لكني ادرا العاقبه والزم الصمت
لجل الموده و الوفاء و التراضي


محمد بن وقيت

إذا عارضك وانته تسولف قليل العرف
وقطع سالفتك بهرجةٍ ضايعه مثله

طلبتك تلد بلدت اللي يغض الطرف
هروج الخبول اتطيح تشبه غصون أثله

يجي في المجالس من صفاته هبيل وكرف
ودايم يشيل الشين والغبن في حثله
‎

المهدي تركي

نضحك ونمزح لا تعاتبنا على بعض المزوح
نحتاج ساعة للفرح لن كان ماتحتاجها

قفل مجالات الزعل والضيقه اللي ماتروح
والعين عوّدها على الفله وفل حجاجها

ان كان ف صدرك جروح صدورنا فيها جروح
خلك على الهقوه ونلقى للجروح علاجها
‎


خالد العصيمي

‏الناس .. مقسوم ربي .. مايكفيهم
كلن يقول انه اولى الناس بالحاجه !

لو ترضي إمن الثلاثه .. واحد ٍ فيهم
منهو يفكك .. لو الاثنين .. هراجه !

يالله من الحسد والاحقاد تشفيهم
الكل ماهمّـه إلا .. وين مخراجه !

لو تبذل الجهد كلّه لجل ترضيهم
والله .. ماكنّـك تسوي لهم حاجه !


اسعد البلوي

اصيب واخطي واتعذر إذا اخطيت
وإن جيت تقدير وغلاا جيت كلي

لكن متى ماشفت ماعفت صديت
صدت جفااء ماهيب صدت تغلي

.......

‏ياخاطري لايزعجك جور الأيام
‏كم مره تكبر وترجع سهايل
‏
صحيح توجعنا صواديف الايام
لكن كثر الصبر جاب الجمايل


.......

لا تضايق لو يصير اللي يصير
كل قلبٍ من هــمومه مــرتوي

دام لك ربٍ علــى همك كبير
خل قلبك في مواقيفه قوي

.......

‏يا عھم تمرّ اظروف وتعدّي اظروف
‏مـا نزعَــل مـــن أقــدارنا لا ابتلينـا
‏
‏تعــدّي الأحــلام وعيوننا تشـوف
‏وبمــا كتب ربّـي عـلينا رضينـا
‏
‏نطيب ما نرجي من الطيب معروف
‏ونتجاهـــل أخـطاء الخـلايق عـلينا
‏
‏واذا تجاهـلنا تـرى ماهـو ابـخوف
‏اللــي منعنـا ... تربية والــدينا

.......

السبعه اللـــي مالهم عندي ارقام
كــــلٍ يــــدور مايناســب لــــذاته

منان ومنافــــق وحاســــد ونمام
وخايـــب وشيـخٍ شيخنه خــــواته

والسابع اللي تخدعك فيه الأوهام
ذاك الـــرفيق الليا تقوبــع عـــباته

.......