اخترنا لكم

لا تضيق من التشاؤم واحتمالات الأناني
‏خايفٍ اشرب بعد كاس النصر من كاس المذله
‏
‏قال وش تبغي بحكي الحزن والدنيا تماني
‏لا تعيشنا زمان الحزن قبل يحل حله
‏
‏قلت ماتدري وانا الداري بعاقبة التماني
‏غير عاهدني وريحني واشل الحزن كله

.....

‏مرحبا وأهلاً هلا فيك يا عين الهنوف
اصبري نفرش لك الارض لا تمشينها

الكواكب والمجرّة تصفق لك وقوف
كل منهم قال رد السلام لعينها

.....

‏يافاتنه كل شي في وصوفك بديع
‏كل ما تمرين الاستغراب لازم يمر

‏أستغرب ان الضواحك ثلجةٍ ماتميع
‏مع إنها في الشفايف والشفايف جمر

‏العقل لو عاند وما طاع قلبي يطيع
‏الامر لله تعالى ثم إليك الامر

‏تداركي عمري الفاني قبل لا يضيع
‏احساسي يقول شي قادم ادهى وامر

.....

اضحك ترا عوج الليالي مدابير
‏وما للخلايق في قضا الرب حيله

‏أضحك لو هموم قلبك طوابير
‏وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ما هزته كل ميله

.....

إرضى بيومك ولاتبكي على الماضي
وخذ النصيحة من ابو زيد وطبقها

ان كان ودك تعيش وخاطـرك راضي
لا تحلم احـلام ماتقـدر تحققها

.....

يضيق فيني الوقت واجر الآهات
واصبر على كسر الزمن واتجبر

ادرج ايام العمر كيف ماجات
يالله عسى أيامي تزين وتدبر

.....

‏ما زلت لاهي وانا من غيبتك ما ألها
‏كنّي عن علوم غيرك فالعمر منهي

‏ما زلت أناقش خفايا الروح وأسألها
‏الحاجه اللي تعوض غيبتك وش هي

.....

على ولد عمي مـاتقدر تـعدى
‏دام الحميا تجري بوسط دمي
‏
‏يوم إن كلن في إبن عـمـه تردى
‏مال الردا مدخل على عيال عمي

بقلمي

‏لا تلومني يوم اني اقرا ولا ارد
‏ما للعتب نبره ولا للندم صوت

‏رسالتين بهالعمر مالهن ردّ
‏رسالة التوديع ورسالة الموت

.....

‏والتلاعب بالمشاعر لا تسميها شطاره
‏كم نديمٍ زاد همه والسبايب من نديمه

‏ما يجوز إنك تصلي قبل تبدى فالطهاره
‏ولايجوز انك تحب ونيّتك ماهي سليمه

.....