اخترنا لكم

دوّر على اللي يموت ولا ظهر زيفه
يبقى لك اقرب من اخوك وولد عمك

خلك من اللي مشاريهه على كيفه
لامن رضا يمدحك واليا زعل ذمك

‎حمدان الديحاني

نرزك نبيك تطيب لكن عجزنا فيك
يابونيةٍ شينه وابو ناظرٍ عاقد

بذلنا الجمايل فيك لكن مايرضيك
تردى مع الوافين وتفرح الحاقد

توكل على الله لا نشوفك ولا نبغيك
ومصير الليال تعلمك عقلك الفااقد

مواقيفنا لا كلح الناب ماتخفيك
تعل الكبود السود وتصحي الراقد

عبدالله بن سالم

زايـد ونـاقـص ياعـرب بـينهـم فرق
والــفـرق واضـح بـيـن هـاذا وهـاذا

سلم على الى ماخذن حاجته طرق
مـــاجـــادل الـــعـــربـــان لاذا ولاذا

يـدرك مـرامه دام ينبض معه عرق
ولاحـط خـيـبات الـرجـا لــه مــلاذا
‎

بن زابن

ألآ يالله اني سد وجهك من الخذلآن
ومن غيبة الغايب ومن موتة الفجعه

ومن صحبة الي نعتبرهم مثل لخوان
وهم ماهم بصــافين وقلوبهم وجعه

وانا م اظلم الي شانهم بالمواقف شان
رجالٍ على دنيا من المجد مضطجعه

منتشريات

طيبً تعدى والدينك مهو طيب
وفزعه تعدى اخوك ماتـنـتـبدى

ابوك وامك من كبار المواجيب
واخـوك للفـزعه تـراه المبـدى

هذا كلامً يلمس الحق ويصيب
واللي يحب الطيب صعب يتردى

تركي العريدي

تموت الرجال وتندفن ما يموت الصيت
عسى الله على درب الهدايه يقدّيني

يقولون تسلى في حياتك ليا غنّيت
واقول السعاده في صفوف المصليني

وانا في رجا الله واطلبه كل ما صليت
عن الناس واللي من ورا الناس يغنيني

‎مشخص الفهري

فاقد الي ماترك غير جرح ودمعتين
وذكرياتٍ تاخذ الحاضر وترجع ورا

انقضى نصف العمر بين ضيق وبين بّين
لا سلا خاطر ولا جرحي الموغر برا

ليت لي دعوه مجابه ترد الغايبين
دعوة مصلي وتايب في بيت ام القرى

.....

شرهتك مشتالها ماوقعّت فالتراب
من حشمتك جاتني تمشي وجيت اعدي

وشرهة ولد عمي الطيّب ومنصى الركاب
افرش لها ظلع خفاقي وراحة يدي

بعض المشاريه لا جتني عذاب بعذاب
والا بعضها معرضها الهوى وتغدي
‎
مرزوق الثبيتي

ما تزعل العاقل هروج المهابيل
اللي تضيق ابهم وساع الدروبي

ياللي وراي تهد وتحط وتشيل
افرح ليا وجهت غارتك صوبي

انا ركابي من ذنوبي محاميل
تكفى تجمل واخذ باقي ذنوبي

‎عايض بن ساقان الأكلبي

آخر زمن تزرى علي ياشليويح
وتسب نومي ياحليف الوساده

يابوك انامبطي ونومي شلافيح
يوم ان كلن مهتني في رقاده

آجاهد الايام وأقوم وأطيح
عندي على الصكات صبر وجلاده

نفسي معودها على هبت الريح
ومختشرتن في الشقى والسعاده

‎مرزوق المقاطي