فوق هام السحب ( الشعر الشعبي) على متن القوافي

لو كانت الدنيا تْخَلّدْ لمخلوق
وجدت فيها سيد الخلق باقي

لا كنها دنيا بها الهم والعوق
ومن طبعها عقب التّلاقي فراقي

ولاكل مطرودن بها صار ملحوق
كم كدرت للناس حلوا المذاقي

والله جعل فيها مشاريه وحقوق
وكلٍ يبي ماقدمه له،،،،. إيلاقي

......

يا بيت يوم آقف وبالعين أراعيك
ما هُو طرب وإلاّ عََجَب في بناكا

بيتٍ قديم وْظاهِرك مثل خافِيْك
وْلا عاد باقي فالمباني سواكا

شدّوا هَلِك وْخلّوك وخلّوا ضواحيك
وذِي حالتك في صيفك وْفي شتاكا

حتى الفريق اللّي من أوّل حوالِيك
اليوم ما منهم حَدٍ في ثراكا

يا بيت يوم آقف وبالعين أراعيك
ما والله أدري إلا عيوني تباكا





أحمد بن عايش الميموني

يا بير طيّك طي وأعماقك أعماق
يعيش بك داب وْحمامه وعصفور

وْياكم وردك صدّرك ضين ونْياق
وياكم بَهج جمّك بعارين وصْدور

ويا مارطب نخلك تعسّل في الأرياق
وياما طحين أرضك تقسّم على الدور

وياما وِهْبتي جل وأفنيتي أدقاق
وياما هماجك حل في الخصب والبور



نايف صقر

الكيف يا بدر عفِت اليوم مَشْروبه
ما عاد به كيف لاِ مرٍّ ولا حالي

راحوا رجالٍ زمانٍ فات فازوا به
يومٍ رَمز المعاني نِجروِ دْلالي

يومٍ ناره بعون السّمر مَشبوُبه
والْبُن يقْلاه في المحماس رجّالي

ودَقّه بنجرٍ إالْيامنّه نِقر نوبه
سَيّر عليه القِصير بدون مرسالي

وْزَلّه بصفراء من الرّسْلان مربوبه
فنجالها كايفٍ ياوَي فنجالي


شبّاب بن فايح السيحاني

دستور يالساحل الغربي
فليت في بحرك شراعي

ياموج هون على قلبي
داعيه من شطكم داعي

اللي لها مبسمٍ عذبي
رعبوب وعيونها وساعي

مملحوه زادها ربي
لفتة ظبي يوم يراعي

لوماتهيت على دربي
لقنني بدربها ساعي

حنيتها من حمل ذنبي
لي مت وعيونها تراعي


الأمير خالد الفيصل

لاضاق صدرك وابتدى داخلك هم
وشح الزمان وصرت بالحيل مرتاب

وصار الملل في داخلك كنه اليمً
حتى عيونك للنظر صارت أغراب

ارفع يديك لكاشف الضر والغمً
ماخاب من وجًه له ايديه طلاب

الواحد اللي بالمخاليق يعلمً
هو الذي لاضقت يفتح لك ابواب

لامن عطا من غير كيف ٍ ولاكمً
ماشحًت ايدينه على مذنب ٍ تاب

يغفر ذنوب العبد لوهي تردمً
ويستر خفا ذنب ٍ على صاحبه عاب

والنفس للانسان تسقيه علقمً
ومن لانهى نفسه عن الشر ماصاب

كم واحد ٍ بأسباب نفسه تندمً
ماينفعه دمع ٍ على العين سكاب

ياقارئ الابيات تكفى . وقل تمً
خالف هوى نفسك ترى قدمك حساب

من قبل لا ترحل لقبر ٍ مظلّمً
تبقى وحيد ٍ ملتوي فوقك الداب

داب ٍ اذا ضمك ضلوعك تحطمً
ضمة ماهي ضمة قريبين واصحاب

في ساعة ٍ فيها القبر كله اعتمً
شي ٍ مخيف وكل من حولك اغراب

يالآدمي بادر على الخير واغنمً
اغنم حياتك قبل تفريق الاحباب

ترى الحياة اللي بها موت ٍ وغمً
واجل ٍ بها لو طال محدود بكتاب

واللي خلق ياناس بعروقنا دمً
هذي حياة ٍ مابها غير الاتعاب


محمد القحطاني

انا الذي لاضاق صدري من الناس
اشكي همومي لخالق الناس كله

أتعوذه من كل شيطان خناس
وارجيه يبري كل همٍ وعله

وانا الذي لا من غدى الحال منحاس
رجيت ربي يصبح الحال فله

ياشاكيٍ همك الى الناس من باس
ماكل همٍ هالخلايق تحله

بعض البشر يزود اتعاسك اتعاس
شخصٍ يزُود الهم ياصاح خله

نفسي عزيزه ولا نحنى دوم هالراس
الا لربه يوم كبّر وصله

اسطر حروفي على أوراق قرطاس
من ضيقةٍ في وسط قلبي محله

ولا شكي لغير اللي خلق كل هالناس
الواحد اللي فوق خلقه تعَلّه


محمد الدخيل

لا ضاق صدري نحرت بلاد جداني
يا زين ديرة هلي واللي سكن فيها

لا جيتها زال همي وكل الاحزاني
خص ليا شفتها وطبيت أراضيها

يا عكل احبك ولاجلك دوم ولهاني
ياديرة وسط قلبي دوم هاويها

يا مسقط الرأس قلبي فيك حيراني
يا ما حلا ديرتي لا حل طاريها

لا أقبلت وشفت النخيل يهز وجداني
ذكرت عصر الجدود وعصر ماضيها

وذكرت أبوي وخوالي وكل عماني
بوسط النقيب وسوابيط حواليها

يا ما لقوا من متاعب ذيك الازماني
اللي بها الجوع وفيها صبر أهاليها

واليوم راحت ولا به غير جدراني
وأفعالهم باقية ولا أحد بناسيها

يالله عساهم بجنات وريضاني
والكل يشرب من أنهار بواديها


محمد بن عبد العزيز الخنيفر

‏من عادة الوقت لامن خاب يوجعنا
‏ومن عادة الصمت يحكي كل مافينا

‏واصدق دروس الحياه اللي تعلمنا
‏دنيا قصيره .... تضحكنا وتبكينا

.......

وين الغلا بسئل سعــادة معاليگ
ليـش الهـوى يحتال ونته رضالك

قرب امانه لجـل ودّي اخالــٰيــگ
ليش الجمال اليوم وحده جمالك

ليش الحلا دايم سهومه تباريــگ
شكل الحلا شكل الحلا من عيالك

.......