فوق هام السحب ( الشعر الشعبي) على متن القوافي

إياك تثقل على اللي حافظاً عهدك
وياك تعمي عيوني وانت راعيها

من كثر ماكتب من الأشعار من قدك
ماحلى القصائد بعينك يوم اغنيها

....

‏ارضيك لو ارضاك صعب المنالي
لو مستحيل ارضاك لابد نرضيك

لك عندنا قدرنٍ رفيعٍ وعالي
نبيع ما تملك يدانا و نشريك

غالي وتبقى دايم الدوم غالي
في قلب من قلبه يحبك ويغليك

.....

‏في وسط عيني لك غلا لو تشوفه
ادركت انك داخلي نبض وانفاس

يامن سكن كلي وقلبي وجوفه
انت الذهب يانور عيني مع الماس

قربك امان القلب والشوق كيفه
واغلى البشر واللي عرفنا من الناس

......

أحدن على كثر الصبر مآلقى شي
واحدن وهو مرتآح زانت أموره

أحدن يموت وموتته توجع الحي
واحدن غيآبه مثل حزة حضوره

.....

فلت شعرها واقبل الحسن يختال
عنقا جدايلها الهبوب انثرتها

إليا جلست غطى جسدها تقل شال
وإليا وقفت قام يتثنى تحتها

.....

العمر مع كل اختلاف الاسامي
‏يخطف من الانسان حتى اهتمامه

‏كنت احسبنه وقت واثره حرامي
‏ما كنت اظنه يسرق الابتسامه

‏
عبدالله حنيف

يا نفسي ترا الدنيا عقايب وهجمة خيل
‏من المغريات ولذة المعصيه توبي

‏انا والهموم الجايحه بين حط وشيل
‏الد النظر عنها وهي تلفت صوبي

‏افكار البنادم عند نفسه ضعيفة حيل
‏يا ساتر عيوب المسلمين استر عيوبي

......

‏ياملاك الحسن ياذات القوام الناهي
‏تفتحين آفاق للشاعر وهو ما فكّر

‏بالشفايا والعيون وكل . . شيٍ راهي
‏وخدك اللي من شعاعه كل طيرٍ وكّر

‏ومن تحت عنق الغزال ولبّك المتباهي
‏النهد كنه يوايق .. والزرار مسكّر

‏الاطباء مانعينك تشربين الشااهي
‏اشربي قهوتك مره دام ريقك سكّر

.......

‏فاقد الشي لايعطيه ماهي صحيحه
‏هذا أنا فاقده واعطي ولا أحد عطاني
‏بندر الدويش

‏كذب من يقول إن فاقد الشي ما يعطيه
‏وأنا اعطيك ضحك ٍ لي سنه يوم فارقته
‏علي ال صبيح

‏رغم الشقاء رغم التعب والمعانات
‏وطول السنين وغيبتك ما نسيتك

‏حتى ولو سجيّت في بعض الاوقات
‏ما فيه يوم من ( الدعاء ) الا نويتك

‏جيتك ودمعي حار وافكاري شتات
‏واقفيت عنك وصاح قلبي وجيتك

‏وشلون اقفّي وابتعد عنك بالذات
‏وانا ليا من ضاق صدري نصيتك

.......