اخترنا لكم

يا مالك الملك يا رحمن سبحانك
لي خمس دعوات يا ربي تحققها

جودك وسترك وعافيتك وغفرانك
والخامسه روحي من النار تعتقها

.....

‏ياسامرين الليل في بحر الاشواق
ياليتني معكم يلـوح شراعـي

بين القمر والموج لمعه وبراق
والنسمه العذبـه للاحبـاب داعِـي

القرب يالغالين للروح ترياق
والبعد ذباح القلوب الوجاعـي

.....

‏ما طاح في قلب الغلا غير الأوجاع
وما شالت كفوف الندم غير ضيقه

أثر الغلا لا زاد عن حده أنباع
مثل الدفا لا زاد يصبح حريقة

.....

‏شـهر رمضان اللي به الروح ترتاح
وفيه الشـياطين بسلاسل تسلسـل

وقـته ثمين وفيـه للخــير مفــتاح
لاتـهـدره مابــين نــوم و مسلسـل

أشفق على اللي وقته بـهاتفه راح
مــرات يســتقبـل ومــرات يرسـل

هذي تراها فرصـه لـجني الأربـاح
احذر عن الطاعة تقاعس وتكسل

.....

‏حيا الحنين اللي بصدري يوم مات
‏مع السحاب اللي تساوى وانهمر

‏كن المطر يطق باب الذكريات
‏اللي ما تفتح بابها الا للمطر

.....

رزقك ترى مهو على هذا وذاك
رزقك على اللي يميتك ويحييك

لا تحسب أن الله خالقك وينساك
رب عليم ن بك ويعلم مماشيك

.....

‏عزاي في اللي بنيته يوم راح ثعوي
‏قصايد ما تشابه غير وبل الحيا

‏يا اللي عليك اطيب ابيات القصيد امحوي
‏مع كل نظره كم استأسرتي من ابريا

‏يابنت حتى لو انك بنت قوم وذوي
‏ليه التكبر وزود الغطرسة والغيا

‏تخطين واجد وانا عاقل ورجل سوي
‏مانيب احب الخطا يامال قلع النيا

‏عز الله انك خسرتي في الغرام بدوي
‏والبدو هم والله اللي في الغرام اوفيا

‏مع كامل الاحترام لزينك الفوضوي
‏انتي كثيرة حلا لكن قليلة حيا

.....

ما هو حرام اقول احبك برمضان
اي والله احبك مثل باقي الشهور

ان كان حبك ذنب يانور الزمان
اقول انا احبك واقول اللّه غفور

.....

تعودنا نقول بخير لا قيل كيف الحال
وحنا ظروف الوقت ما قصرت فينا

.....

يتعب الأنســان في طرد أُمنياته
‏ما درى ان تحقيقهــا قدام عينه

‏من يبى درب السعادة في حياته
‏يرضي الله ثــم يرضي والـــدينه

.....