اخترنا لكم

يا باغـــي الدنـــيا على ما تمنــيت
‏قبلي وقبلك ما صفت للصحابه

‏تحمّد الله كل مصبحت وامسيت
‏واذكر زوال العمـر واحسب حسابه

.....

ما فيه شـــي الا بجهـــد وكلافه
‏هذا الكلام اللي مجرّب ومعروف

‏الراحـــه إن زادت تولّــد ضعافه
‏ولا التعب لو زاد منسي ومخلوف

.....

‏تاقف قدم رجلي على بعض الاطلال
‏وأذكر ملامح كل نفس ٍ مشت به

‏وأقول للواقع وأنا ضايق البال
‏ماجابته سود الليالي غدت به

.....

إن هرج لي عيد وإن مد ليّ يمناه عيد
يوخذ الفنجال مِنها على غير شهوه

.....

يارب زدنا خشوع وحسن ظن وتقى
ياللي ما تاخذك لحظه نوم ولا سنه

اغفر لنا اللي مضى واحسن لنا اللي بقى
واختر لنا من العمل ومن الكلام أحسنه

بقلمي

يالله ونا طالبك في ليلة الجمعة
المغفرة والعفو ولاجر والتوبة

والخير والرزق والتوفيق والسمعة
والرحمه اللي بوسط اللوح مكتوبه

مطلق العتيبي

احبه كثر مامريت بيته والعباد رقود
‏وكثر مالاح براق الغرام اللي مسريني

‏احبه مير ماجابه غلاي وحظي المقرود
‏ولا جابه حنين الشوق واللي منه مذيني

.....

أبكتب قصيدي فيك وأعلن غلاك إعلان
‏وأسميك ليل الشعر والشعر مجنونك

‏‌تجاوز غرامك واقع الصمت والنسيان
‏أحبك وأحب أرضك وناس يحبونك

.....

‏حبيبي والسوالف بيننا لوم وزعل وعتاب
‏أنا ساکت غلا ما ودّي أندم في تواليها

‏أنا مدري بعينك هو أنا الصادق أو الكذّاب
‏لكنّي جيت لك والناس مالي غايةٍ فيها

‏معي عمر وبقايا أمنيات وضحكتين وباب
‏معك مفتاحه لحلو الحياة اللي أنا أرجيها

.....

‏عساني ماخلا من حبّك الطاهر ليوم الدّين
‏اخايلني معك من وين ماوجّهت وجهاتك

‏أشوفك ظلّي الوارف وأشوفك بين قلب وعين
‏وأحبك حب مايطري على بال انتظاراتك

.....