اخترنا لكم

‏ما علينا من غثـا الدنيا مضلّه
صـوب رحمة ربنا سقناالمطايا

ان تـوكلـنا تـوكلــنا علــى الله
والتوكل دائماً حسب النـوايا

.....

‏ماعاد فيني حيل لمعاتب النّاس
‏مليت اداريهم وأساير هواهم
‏
‏اللي ييون القرب على العين والراس
‏واللي يبون البعد ربّي معاهم

.....

‏يا وحشــة الدنيا إذا صـرت مشتاق
كن البشــر ماهي علـى الكون حيّه

هذا الذي مخفيـه مابـين الاعماق
ماهمنــي غيـــرك جميـــع البريه

مشتاق لك والشـوق غارق ودفاق
شــوق السواحــل للبحـور العتيه

شوقي معك يازيــن وافي وصداق
ودقــــات قلبـي لـك قويـه قويه

.....

‏لوسرقت العقل واحساسي وروحي
‏ولو خذيت العمر وافراحه وحلمه

‏انت اكبر امنية ترضي طموحي
‏تخلق البسمة على وجهي بكلمه

.....

‏تعال نكتب خاطره قالها البوح
‏الروح حقك وانت حقي لحالي

‏يامن لحالك شوق بالقلب مفتوح
‏ياهمس راقي ما يفارق خيالي

.....

نعـيش بالقـمه ومــا صـــابـنـا صــاب
ونـقبـض شـعار الـعز براحـه يـديـنا

نضحك في الدنيا مع كل الأصحاب
ومـا نـــدري الــدنـيا لنـا او عـلـيــنــا

وماهـمـنا مـن جـاء معـانا ومـن غـاب
فوق السـحاب نعيش مـهمـا حـيـيـنا

.....

‏نفوسنا تبقى على عزها نفوس
ولاغيرت حر المواجع ذممنا

والحاجه اللي بالصدر كنها موس
ماتنشكي لو زادها من لحمنا

.....

‏من لايقدرني ويعرف مقامي
ماني بمكلوفٍ بتقدير شرواه

انساه من قاموس كل اهتمامي
حتى يعرف يقدر الطيب والجاه

واللي يقدرني ويرفع مقامي
حطيت قدره فالنجوم المسماه

.....

خلّك مع القرآن صاحب ومصحوب
رتّل وثم اطلب من اللي تمنّاه

كنز القناعه للبشر أمر مطلوب
من يملكه تضحك له عيون دنياه

بقلمي

‏يموت الوقت أحيانًا ولكن
‏لدينا ذكرياتٍ لا تموت

‏ويمضي العمرُ نسيانًا ولكن
‏طيوفهمُ تقيم ولا تفوت

.....