فوق هام السحب ( الشعر الشعبي) على متن القوافي

ساحر وفاتن زين وفوقك لثامه
فكيف لا شلت اللثام في يدك شيل

تطل مثل النجم خلف الغمامه
من هيبتگ والحسن ينهد بي الحيل

لبسمتگ باعماق قلبي ابتسامه
لاشفتها يصبح نهار عندي الليل

ريقگ عسل يشفي لقلبي سقامه
حالي كما القهوه وزايد به الهيل

وصوتگ كما تغريد طير الحمامه
وفي جبينگ ضي شمعه وقنديل

روعة وذوق يابن السمو والفخامه
من فرقتگ سالت دموعي كما السيل

ارجوك جاوبني وقلي علامه
هذا الدلع والغنج والصد والميل

وانا الذي لك ذل وارخئ زمامه
وقبَّلك بالحرف والشعر تقبيل

.....

مغنيتني عزة النفس عن كل معثور
‏وعن مكان مايليق بـ مقامي يوم اجيه

‏لا اعتلى صوت النفاق وصدح صوت الفجور
‏وبتدا ضحك المنافق وتطبيل السفيه

‏صد قلبي صدة الطيب الي مايبور
‏لين بار الوقت في سعيه وبارو ذويه

‏ومكتفي عن مجلس مهرج ونقال زور
‏برفقت اهل العرف والراي والعرض النزيه

......

لاتســـــمع الي قال واللي يقولون
بعض البشر ماهمـــهم غير قالــــو

ولا تميل لو شفت الخلايق يميلون
خليك جبل في ضــلك الناس مالؤ

......

‏يا صوتك الي عليه الروح ملهوفه
ان جابه الخط له شكري و تقديري

انا فدا وجهك اللي كل ما اشوفه
اقول لـ ضيق روح دور على غيري

......

‏ﻟﻴﺖ ﺍﻟﻮﻓﺎ ﺳﻠﻌﻪ ﻟﻬﺎ ﺍﻟﻨـــﺎﺱ ﺗﺸــــﺮﻱ
ﻛﺎﻥ ﺍﺷﺘﺮﻱ ﺑﻌﺾ ﺍﻟﻮﻓﺎ ﻭاﻣﻨﺢ ﺍﻟﻨﺎﺱ

ﺑﺲ ﺍﻟﻮﻓﺎ ﻓﻄــــﺮﻩ ﻣـــﻊ ﺍﻟــﺪﻡ ﺗﺠﺮﻱ
ﻣﺎﻫﻲ ﺻﻨﺎﻋﻪ ﺑﺎﻟﺨﻮﺍﻃﺮ ﻭﺍﻼﺣﺴــﺎﺱ

.......

يالآدمي مـا دمـت فـي صحـة و خير
تحمــد الله و أعتـبـر نـفـسـك غـنـي

لاصـرت متعـافي ولـو انـك فـقـيــــر
تراك ف عيون المريـض أكبـر غنـــي

......

‏خلك على النيه تجيك التوافيق
لو أغلب قلوب المخاليق ضلماء

الله يبل الريق في حزة الضيق
لاشحت كفوف المخاليق باالماء

......

بعيونك اقرأ شوق ما يشبهه شي
وبانفاسك أحيا لو زماني .. جفاني

مشتاق اضمك وازرع النور والضي
بأركان صدري واعزفك لي .. أغاني

يكفي بوجودك أشعر إني معك حي
عطني وصالك عفت دونك زماني


......

علمتني سود الايام عن وجه الرفيق
وكشفت زيف الحقايق وزيف الاقنعه

الرفيق اللي بوقت الرخا وجهه طليق
يبهرك في هيلمانه وطيبه ترمعه

مير حزات الشدايد تيبس كل ريق
ما يبل الريق غير اللي سموه يرفعه

شامخ بفعل المكارم مثل قمة طويق
مزبن للذيب سرحان ليا صف اربعه

دور اللي يحتملها ولو طال الطريق
لو يجور الحمل شاله وشال اللي معه

خل سحب الصيف لو انها تبرق بريق
انكشف زيف الحقايق وبان الامعه


سعود حمود العتيبي

تعلم من الدنيا وسوق الخطاوي سوق
وبه ناس رافقها وبه ناس جنبها

‏وخلك سواة اللي ليا من دخل بالسوق
‏ يشوف السلع واليا شرى يشري اطيبها

صديقٍ يحاضي للصداقه وشبحه فوق
وصديقٍ مشاريب الصداقه يغثربها

بعيد المدى من رافقه يبتهج ويروق
وقريب المدى لا رافق الناس ينشبها

مع الوقت شفت ان بين هذا وذاك فروق
وعطتني الليالي عبرةٍ من تجاربها

وترى الرفقه اللي ما تسر النظر وتشوق
خذ الشور مني يا المعرب وشطبها

وجيه الردى لو كان تخدعك بالمنطوق
ترى عرقها الدساس لابد يجذبها

لو تبرها لابد تجزا البريرة بوق
تموت العفون ولا تخلي مذاهبها

خليل بن هدلان