اخترنا لكم

كل البشر ب انواعها تملك احساس
لايغرك اللي ما بعد جاك يشكي

ترا اللي يضحك دايم ويسعد الناس
لو سولف وقال الحقيقه بتبكي

.....

‏جل جلالك تعالى واعتلى شانك
وحدك ولاغيرك أحدٍنلتفت صوبة

مافوق عظمة جباروتك وسلطانك
بيديك الأعمار والآقدار مكتوبة

يستغفرك لاإله إلاأنت سبحانك
عبدٍيحس بـخطاه ووحشة ذنوبة

أن ماغفل قال مغفرتك ورضوانك
وليا غفل هو والدنيا بغيبوبة

العفو والستر والغفران غفرانك
يامن تغفرالذنوب وتقبل التوبة

.....

‏أختـرت من بين النصايح نصيحه
وحبيـت أوجهها الى كل مسلم

عليك بالخمس الفـروض المريحه
وعلى النبي ياخوك صلي وسلم
ﷺ

‏أطلبك يارافع جميع السماوات
يا باسطٍ سبعٍ تحتها تقاوت

تغفر ذنوب اللي من الخلق قد مات
وتدمح ذنوبٍ من عبادك تهاوت

بقلمي

فيما مضى كنتَ بالأحبابِ في رغدٍ
والدهرُ يُسعِدُكَ والأيامُ كالأعيادِ

واليومَ أصبحتَ لا خلٌ ولا وطنٌ
ولا صديقٌ ولا دارٌ ولا زادِ

.....

استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

.....

الصاحب الزين مثل الغرسه المثمره
كريمة الجود ذي ماتخلف اثمارها

والصاحب الشين مثل الشوكه المزهره
تجرح يدك لانويت تقطف ازهارها

وصحبة الجيد مثل النسمه العاطره
وصحبة النذل مثل الريح واعصارها

والظلم يخزيك في الدنيا وفى الأخره
والعدل يرفع ثمن نفسك ومقدارها

وكلمة الحق مثل الغيمه الممطره
ذا تحيي الارض بعد الموت بمطارها


.....

خلك علا مبداك في كل عمرك
واحياء عزيز النفس والعمر مره

وصاحبك لاجاك في ضيق سرك
واجب عليك انته تجمل وسره

ومن نوى للعيب في يوم ضرك
اطلب من الله في حياته يضره

واعمل لنفسك خير ينفع بقبرك
لن الاجل وصال والناس عبره

.....

ماني صديق اللي يشيل بقلبه
انا صديق الطيّبين الندّر

أشباهي اللي طيبته من قلبه
يسامح المخطي قبل يتعذّر

.....

‏ياعظيم الملك يارب العباد
ماسجد وجهي لغيرك ياكريم

أسألك عفوك وسترك والرشاد
وأسألك حظٍ عظيمٍ ياعظيم

وأسألك من غيث جودك ياجواد
وأسألك من نور علمك يا حكيم

وأسألك يارافع السبع الشداد
الصبر والحلم والقلب السليم

وأسألك تكفي عبادك والبلاد
الحسد والسحر وابليس الرجيم

.....