اخترنا لكم

حاولــــت انام ولا تهيالــــي النوم
النوم والهاجــــوس ماهــــم ولايف

ماتستريح العين والبال مهمــــوم
ولا يستقر الحال والقلــــب خايف

غديت مثل الي بالإعدام محكوم
ما مات لاكنه مــــن العمر عايف

.....

‏احشم لساني يوم عقلي حشمني
وكلن حسب عقله يسولف لسانه

.....

‏بين الكثير من التساؤل والقليل من اليقين
‏المشكله ماني بأعرف المشكله وأحلها

‏أنا تعبت من الوصل والبعد والناس أجمعين
‏وقلوب تبغيني وانا ما عاد أبيها كلها

.....

‏وين انت يأللي كتبت الشعر لعيونك
‏عطني تفاصيل حرفك وأترك الخآفي

‏إن كآن جمر القصيد يحرك شجونك
‏وشفيك ماتبدي إعجابـك عـلى قآفي

.....

‏قالوا علامك شارد الفكر مسلـوب
‏قلت اعذروني ماعـرفتو بالاسباب

‏قالوا تريث فالـهوى دوبك ودوب
‏قلت السموحه راعي الحب منصاب


قالوا تغلى واثقل اتكون مـحبـوب
‏قلت الثقل بالحب كم فرق احـباب

‏قالواتحمل مايجي واكسب ذنـوب
‏قلت ابغـلاته لا حـسابن ولا عقـاب

.....

نثرت لك عمري عطر فـي سنينك
وأرويت روحي منك ياأعذب الري

لو تنزل أعماقي تشوف أنت وينك
باقصى الحشا لك شان ماياصله حي

.....

زادني في حب خلي ضحكةٍ مرموقه
لا تلوم القلب في حب الهنوف الطرقا

كنّ في صدري صهيل ودبّك خيل الروقه
يوم عنّت والعزاوي بين روق وبرقا

.....

نكابر ونصبر مانريد العزوم أتلين
ونضحك ولو النفس متسكر اجواها

نشد الهمم ونكابد الوقت لا جأ شين
ونصبر على جور الليالي وبلواها

.....

عليه الخفوق يحنّ لامرني طاريه
وادور مع الاجواد عن طاري أخباره

يقولون ياصبّر الهواوي على مافيه
وانا اقول جار البيت ياحظّه بجاره

.....

يامساء دارً تأسس بالفخر والعهود
يامساء فرحه وطن غالي عن الاوطان

دام عزك ياوطن في ذرى آل سعود
دمت شامخ بالفخر والامن والآمان

دام عزك ياوطن