فوق هام السحب ( الشعر الشعبي) على متن القوافي

‏ترى عيون الحب ماهي تدقق
لايمكن تناظر عيوب ‎المحبين

اللي يحب بصدق دايم يصدق
ان تلغلا والحب يقسم على ثنين

.....

ما لهذا الشوق اخر ولا هو بالاخير
غيبتك طالت ولكن عجزت اعتادها*

اضحك بوجه الاماني وانا ماني بخير
ضحكهٍ لا في سنعها ولا ميعادها

.....

عاد عيد الشوق واشواقي تكلم
عن غلاك وكيف احبك واهتويتك

ودي اسولف عن شعوري واعلـــم
انك اغلى من على الدنيا لقيتكــــ

فدوتك قلب من جروحه تالم
دامني من بد خلق الله بغيتك

لا انتهت خطبة صلاة العيد كلــم
خلك اول صوت يعايدني فديتك


......

يـسوق روحـي شوقها والوله سوق
نحوك وحولك يدرج القلب ويحوم

راقــي وكـلك ذوق واطـلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الــي حــرم عـيـناي مـن لـذة الـنوم

.....

متابعيني كلهم قمــــة الذوووووق
من حبهـم حتى التواصـــل هويته

اناوهم تشبيه عاشـــق ومعشوق
وغلاتهم داخــــل خفوقــي بنيته

هذا كلام القلب من كل الاخفوق
من قلب صادق بالمحبـه حكيته

ارسل لهم حبي مع كامل الشوق
لكل غالي في حياتي هديته

الحمدان

‏أشعل قناديل السهر وإنثر الورد
على دروب اللي يتابعك بسكات

وإحضن مشاعر من يحبك عن البرد
دام الغلا في داخله حي ما مات

ياما لك أرسل في بريد الهوى طرد
وأبطيت ماجيته ولا رسالتك جات

.....

‏بين المطر والارض عشق وسواليف
‏فاضت من اشواقه عيون السحابه

‏مثل الوصل لاقلّ بين المواليف
‏يظهر جفافه ف الشعر والكتابه
‏
......
‏

أنت العمـر.لاجيـت والموت لارحـت
وإنت الضيـا للعيـن يانـور عينـي

أشتاق في لقيـاك!! وأشتاق لاغبـت
وأشتاق لو ضمـت .. يمينـك يمينـي

.....

‏ياماسك الهاتف وجوك رايق
كيف التواصل يالغلا خبرني

لايق عليكم يالدماني لايق
اسود على وردي وذا حيرني

ولون البياض وقدك المتناسق
وخدودك الحمرا بها تاسرني

فيها مطر هامل ولاضي بارق
وفيها سحر هاروت يا باهرني

عين المهايا ف الجهاز توايق
اعطف علينا يالمها و حررني

......

‏عجيب يابن ادم ليا حدالاعجاب
لاقامت آصدوف الليالي تحوفك
َ
تغفل عن اللي ماعلى بابه احجاب
وتشكي على اللي مايقدرظروفك

.....