فوق هام السحب ( الشعر الشعبي) على متن القوافي

‏تعيش فالدنيا وتكسب تجاريب
اخذ الكلام اللي يصحي من النوم

عنـد السـعه ياكثر عـد الاصاحيب
وعند الشدايد علمهم يرجع حلوم

رفقة رخى فيها سـلام وتراحيب
ولافيهـم الصامل ولا فيهـم عزوم

الصحبه اللي ماتعرف المواجيب
لعلها قطـع الرجا ،،،، دايـم الدوم


ابوعبدالله

يا للي تباهي بكثرت متابعينك
قيّم حسابك محتواه وخوافيه

الناس لو كثروا ماهم نافعينك
لاصرت ماتغرف من النبع صافيه

الدرب واضح واطلب الله يعينك
وتميّز المضمون .. جزله وهافيه

.......

‏مابعد عسر الزمان الا تياسيره
‏لو سود الأيام تفجعنا حقايقها
‏
‏بنسوقها في رجاء إللي مالنا غيره
‏خلاق الانفس وكافلها و رازقها

.....

‏ماعاد بي شدّه على طرد السراب
ومراقبة شمسٍ توارت .. للغروب

إماّ حضورٍ .. يلوي ذراع الغياب
والا غيابٍ يفضح الوصل الكذوب
.....

‏تستانــس الروح لاجتنــي مراسيلك
‏والنفـــس ترتاح يا نبــــض الغلا كله

‏والقلب يافرحتــه لحظــة مواصيلك
‏ينسا التعب والوجع والضيق والعله

‏سعادة الروح يوم اسمــــع تعاليلك
‏وصوتك العـذب يـوم اسمّعه مامله


.....

كانك تذكرني على البعد لحظات
فأنا على كثر الـولـه مانسيتك

تهزني الذكـرى علـى كـل مافـات
لاغبت عـن عينـي بقلبـي لقيتـك

حزني وشوقي والليالي لك إثبات
إنـي علـى درب الغـلا ماجفيتـك


.....

‏من تجاهل وجودي ماحسبله وجود
‏علم اهل القلوب اللي غطاها الصدا

‏والكبر ناقص بالناس ماهو بزود
‏والردي طول عمـره من ردا في ردا

يسوق روحي شوقها والوله سوق
نحوك وحولك يدرج القلب ويحوم

راقــي وكـلك ذوق واطـلالتك ذوق
والذوق لولاك انت يا الذوق معدوم

ولولاك ما قاسيت من لوعة الشوق
الــي حــرم عـيـناي مـن لـذة الـنوم

.....

‏ماكل خاطر نبي نتبع مراعاته
‏بعض الخواطر حرام انك تراعيها

‏اللي يقدّمك عن كل اهتماماته
‏حاول تقدّم له الدنيا بما فيها

.....

دايـم على بالـي ولا يــوم ناسيك
وانته لزيـم الرووح واكثــر شويه

بدرب المعـزه اشهد اني مخاويك
واخترت شخصك بين كـل البريه

الرب يعــلم بالغـــلا كثــر مغليلك
ودايـم مكانك في الشموخ العليه


.....