ديوان قصائد لشعراء المملكة العربية السعودية (متجدد)☘️☘️

ياقلبي اللي من هوى البيض معتاذ
ياقلبي اللي من هوى البيض معتاذ
واليوم اشوف الوجد والشوق بذه
حسبي على اللي للمواصيل جذاذ
حبل الوصل من بيننا البعد جذه
يسقي منازل ليّن العود رذاذ
يلقى بها ظبي الطعاميس لذه
الصاحب اللي عن هوى القلب ما لاذ
لا قلت دوك القلب يازين غذه
ولا نيب من هرجه كثير وهذاذ
ما شاف في ليله نهاره يهذه
عساك تأتي لي يابو زيد نفاذ
قلب ٍ تحذّى الشور ياخوك حذه
***
فأجابه الشاعر الأمير محمد السديري ب
***
أسهر طوال الليل واغضي على الحاذ
وعن الصديق القلب ما فيه شذه
شكتواك خلت بسرة القلب تخاذ
ولا عاد في قلبي من الصبر فذه
اللي يا بو بندر جعل قلبك افلاذ
مشربك يا ممدوح الأفعال عذه
طفل ٍ سهم عينه بالاعماق نفاذ
والحق عليك بقذة ٍ عقب قذه
ان كان مالك فيه مدخل ومنفاذ
له الشبك في مدهل الصيد بذه
وإليا دخل وسط الشبك يابن الافذاذ
غوجك لساعات المهمات حذه
خالد الفيصل

احب الليل


احب الليل ونجوم الليالي

حبيباتي أساهرهن لحالي

لقيت بصحبة النجمات سلوى

عقب ما فارق الخفّاق غالي

ألا يا ساريات الليل سيري

على واديه مع مسرى خيالي

تجلّي في سما خلّ المودّه

وقولي للحبيب وش جرالي

هنيك يا نجوم تناظرينه

وانا مالي على النظره مجال ِ

ولكني ولو شابت عيوني

احب الليل ونجوم الليالي

صبرت وكل حي لو تصبّر

الى مالت ليالي العمر مال


خالد الفيصل

تعال اسهر


تعال أسهر معك يا اسمر عشيّهتعال أسلي خاطرك يا عيونيتهن وخل عيني بك هنيّهأنا وياك والدنيا تهونترى الدنيا لياليها شقيّهحذاري تستبد بك الظنوننويت وكل قلب فيه نيهعلى اني لك وفي روحي تمونهواك بخاطري سوا سويهتركني بين أياديك معنون
خالد الفيصل

قالوا علامك


قالوا علامك قلت ما بي خلافِ

ما بي بلا يا كود فرقى? المحبين

الحب لو يجحد عليله يشافِ

يدري به الّلي عارفن لوعة البين

شين يشافي وشيْ بالجوف خافِ

عشرن تبين وخافين منه تسعين


خالد الفيصل

نفسي عيوف


.

نفسي عيوفٍ يا أريش العين تجزع


ماتقبل الحقران لو من عشيري
إلى متى في طلبتك باتخضع


وأسأل متى يوم الوصل بي يصيرِ
لوكان قلبي في هواك يتقطع


خله لعله بالقسا يستخيرِ
أنا جزمت أنساك يازين وأنزع


اللي بقا من حبكم في ضميري
مثلي عزيز النفس عنك يترفع


دور هبيل فواد مثلك غريرِ

خالد الفيصل

ماعاد لي


ماعاد لي بمطارد الصيد حاجه


إلاغزالن صادني قبل اصيده
ريمن لبس في عالم الزين تاجه


عزاه داري عن دياره بعيده
خشفن طعن قلبي وعنده علاجه


ماله سلاحن غير عينه وجيده
إلى اظلمت دنياي ولع سراجه


يمشي على دربه فوادن يريده
ياعاذلين القلب هذي سذاجه


خلوني آحبه واحبه وازيده
القلب قلبي والمخالج خلاجه


وكثر الحكي يااهل الحكي مايفيده

خالد الفيصل

حنان العمر


يا حنان العمر في عيونك حنان

والهوى جذّابه الرمش الحنون

كيف أنا ويّاك من هاك الزّمان

ما لنا غير التوّجّد بالعيون

أدري انّ الله بلانا بامتحان

أنت بالفتنة وأنا بحبّ الفتون

أبشر إني دافن سرك بأمان

شوف عيني ما درت عنه الجفون

انت ما ترضى على قلبي هوان

وانت ما ترضى على قلبك يهون

الزّمان اللي غدربي ثم خان

خان هو والا انت حشى ما تخون


خالد الفيصل

مرتاح أحبك


مرتاح احبك ولا علَّمت


حتَّى انت عيّت أبيّن لك
والبارحه يوم انا سلمت


شكّيت لو عيني تدلك
برقٍ لمع في العيون وخفت


مواجع القلب توصل لك
عساك في ناظري ما شفت


كيف المعاليق يومنّ لك
من خوفتي لا احترق جنَّبت


هربت من شمسك لظلّك
اخشى عليك الهوَى لو طحت


ما تلّني يمّك يتلّك
أبي قليلك ولا حصّلت


بعضك تركني مع كلّك
ما ادري صواب او خطأ ما قلت


إنك حبيبي وانا خلّك

خالد الفيصل

يبكي الصوت و النظرات تشكي
يبكي الصوت و النظرات تشكي
والمعاني ولو صاحت حبيسه
يصمت الليل و التنهيد يحكي
والمعاليق في قلبي يبيسه
يا حبيبه سألت الليل انا عنك
وكل نجم فقد مثلي أنيسه
هل دمعي و قام الليل يبكي
والقمر نشّ من فرقى جليسه
ويل من شالته موجة بحرك
ليتني ما نزلت الشط أقيسه
لو لمستي البحير بأطراف يدك
من حلالك غدا طعمه مريسه
للهوى حس اذا لامس زهرك
ينعش القلب اذا جاني حسيسه
خالد الفيصل

عَزّ القصيد


عَزّ القصيد وزاعلتني حروفه

من يوم غاب الّلي قصيدي مهاويه

غابت به الدنيا وخلّت طيوفه

عزّي لمن مثلي زمانه يعاديه

عقب الملاقى بس بالقلب أشوفه

وعقب المناجى بس بالفكر أناجيه

كلامي وشوفي لغيره حسوفه

من غيره يْخاوي غريبي وأخاويه

يا لوعة المشتاق تصفق كفوفه

لين التفت ما شاف بالدّار غاليه

كنّ العيون بكل شين محْذوفه

والقلب كنّ جموع الأيام ترميه

تسابقتني من زماني سيوفه

تجرح مْرادي في حياتي وتدميه

يا عونة الرحمن وين النكوفه

لين انتحى الخفّاق وش عاد يثنيه

ما رحت أدوّر عند خلّي مروفه

ما يرحم إلاّ الله فلا شك مغليه


خالد الفيصل