اخترنا لكم

السوالف من فمك شهدٍ محلّا
والليالي كلها بْوجهك سعيدة

والشعور اللي معك مـا كنّه إلّا
الشعور اللي يجي عقب القصيدة

.....

تبي تزين الامور وينشرح صدرك
العسر بعده يسر لو طالت المدّه

اظن بالله ظن الواثق المدرك
مهما تضيق الصدور وتكبر الشِدّه

.....

لاضاق صدري قلت يارب رحمـاك
‏ياللي بذكرك ينجلي ضيق صدري
‏
‏استغفرك واتوب لك واطلب رضاك
‏ماغيرك احدٍ عن خفأ النفس يدري

.....

مادام انـا ويـاك دايـم ملاهيـف
ومتقاسميـن حبـنـا بالنصيـفـه

انا خوي للسهر والسهـر ضيـف
ومن عادتي لا حل ضيف استضيفه

حبك نزل بين الضلوع المهاديـف
الصـدق بيـن والنوايـا شريفـه

مع غيرك انت ماتطيب السواليـف
ياللي على قلبي مزوحك خفيفـه

.....

انتي غناة اللي دعا عقب ماتاب
يوم استجابت دعـوته قبل يبكي

وانتي جبر خاطر عقب لحظة اعتاب
للي حصل جبر الرضا قبل يحكي

وانتي امل للي سجد وسط محراب
وجته السكينة قبل للرب يشكي


رذاذ الحبر

لاتاخذ الدنيا على محمل الجد
إضحك لها لو تبكي الناس منها

.....

ابتسم للوقت لو تقسى الظروف
من سحاب الكون ماضاقت سما

كم كفيف قلبہ المُبصر يشوف
وكم بصير قلبہ الميت عمى

.....

فاقدلي غالي يسوى عيوني
لعنبو فرقى الحبايب فيه حرّه

وأن طلب قلبي فقلبي له يهوني
جعل يفداه العمر خيره وشره

وأن نشدكم عن مكانه علموني
ذا مكانه في الضلوع وذا مقره

.....

مانسيتك وانت غالي ولك عندي طرف
لو دياري عن ديارك مسافه وانهوه

والله اني يوم أمرّك ترا لي الشرف
لو على مقداع تمرة وفنجال قهـوه

.....

أتثيقل والثقل ماهوب درعٍ واقــي
كل ماتطري على بالي تجيني خفّـه

انهزمت من الفراق وحزن قلبي راقـي
والشجاع إن حب توخذ بندقه من كفَّه

.....