اخترنا لكم

فتنة عيونك النجلاء الوساع الغيوره
سلهمتها عتاب وكبرياها مكيده

مثل مايفرق أحساس القصيد بحضورة
أنتي الفارقة والمترفة والفريدة

.....

كل ماسجيت جابت طواريك الهبوب
‏لاسلى قلبي من الحزن وعيوني بعد
‏َ
‏جعل ماجاني من الحزن كفارة ذنوب
‏يوم ما وجه الليالي يبشر بالسعد

.....

مجدنا فاخر ويبقى مْع مرور الوقت فاخر
وطبعنا عز النفوس وضربنا ضرب المعلّم

مانوطّي روسنا إلا للصلاه وللمباخر
ومانمد أيمانّا الا للمقهوي والمـسلّم

دام عزك ياوطن

مقتنع بالزمان ومستريح الضميّر
القدر في يد الله والصبر في يدي

.....

إيه يا أول من بـنى بيتـه عـلى خفـاقي
ما أنت باللي مر في عمري وأخذ له لفه

انت حلم لو كسـرته كني اكسـر سـاقي
مثل حلم القدس في رام الله وفي الضفه

.....

ليلة البرد مليانه مْن الذكريات
كل ذكرى جميله هبّ نسناسها

جعل من يحيي الاجساد عقب الممات
ميتين المشاعر يحيي احساسها

.....

قهو المشاعر لاجاتك وانت راعي مكان
ورحــب بـها كــــــل ما مرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

.....

لاتفتّش فالصدور ولا تتبع كل عله
كل قلب وله ميول وكل عقلٍ واتجاهه

ولا تكلّف في قبولك والقبول اللي من الله
ما تجيبه بالفلوس ولا تجيبه بالوجاهه

.....

الليّ بدون أسباب صد وتجاهل
ماعندنا إلا غير نفس التصرف

يجوز في بعض الأمور التساهل
إلا التساهل بالمقام المشرّف

.....

هذا ولي العهد من ميم إلى حد نون
اسمٍ حروفه مع الامجاد متقاوله

هذا هو اللي ليا دنّق على المكرفون
روس الدول دنّقت قدمه على الطاوله

دام عزك ياوطن