اخترنا لكم

يقولون من لاخاف درب الخطايا زل
وتمام العقل من خاف من وجه خلاّقه

تذكر رقابة خالق الكون عز وجل
وتذكر عطاه وستره وفايض آرزاقه

وتذكر وقوفك يوم تاقف ماعندك حل
في يومٍ يشيب الراس من شدة آرهاقه

.....

‏من لا يودك وش تـبيبه تـوده
عله مـراح مقيط واللي تقـفاه

لا بد عقلك فـي المواقف تـرده
حتى يعرف الصح ويميز اخطاه

مـايتبع الـرغـبات ويضيع حده
ويقل مـقداره وتـنقص مزاياه

.....

ليت الزمان الي مضى يرجع اليوم
وترجع لنا ايام القلوب النظيفه

ايامنا هالحين ظالم ومظلوم
ونيات بعض الناس ماهي عفيفه

.....

مواقف الطيب محسوبه ومشهوده
ورجلٍ بلا طيب لا يذكر ولا يحسب

واللي كسبها بعرفه قبل مجهوده
فعايله طيّبه ومجالسه مكسب

.....

يا فرحة العيد مالك فالحنايا شريك
دوّر وتلقى ورى الأضلاع عيديّتك

انسف جديلك قبل تنسف مذارع يديك
الغيم تاجك وسطح الأرض زوليّتك

حتى الفساتين وعقود الذهب تحتريك
الكل منها يبي يلمس خصوصيّتك

.....

تعال صارحني علمني شجاك
خل الغياب اللي بليّا سبايب

طال الفراق وعذب القلب فرقاك
راح العمر وانت عن العين غايب

احرمتني يازين شوفك و لاماك
وشبّيت من صدك بصدري شبايب

.....

انا مسالم ما احب العداوات
العمر فاني والليالي قصيره

ترى السكوت أحيان مثل الإجابات
الصمت نعمه له معاني مثيره

ماهو ضروري تعيش عندك علاقات
العزله احياناً علاقه كبيره

.....

الصمت ابلغَ من جميع العبارات
حكمه ولا تدخل في اشياء كثيره

ومـن تكـلّم قـل حبيبي سلامات
السِلم أفضـل للـرجال الجـديره

يامـا تحمـلّنا ومـا بي نــدامـات
حتى ونفـسي مـن قبلهم ضريره

.....

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوه لين حتى الامور تزين
مع كامل الحب ومع خالص أشواقي

اذا الله كتب نرجع سوا زين على زين
واذا عادك بتبقى كذا كمل الباقي

.....

‏لاتبدي أسـرارك على سـاير الناس
احذر ترى بعض الاوادم مغرّه

خـذ الكلام اللي من الراس للراس
واعرف ترى الايام حلوه ومرّه

لاتخدعك هرجت عديمين الاحساس
ان كان تـبي العافيـه والمسرّه

خل الذي بالصدر يبقى على ساس
مايفرح اللي ناوي(ن) بالمضرّه

.....