فوق هام السحب ( الشعر الشعبي) على متن القوافي

‏لو طلبتي الصـــدق باقلك صراحه
انتي القلب الذي داخــل ضلوعي

وانتي الراحـه وكامـــل مستراحه
والشعـور اللي يهــدي كل روعي

وانتي النور الذي يشـرق صباحه
وانتي الغيم الذي ينعـش ربوعي

وانتي اسباب التفائل والسماحه
وانتي العشـق الذي فيني يلوعي


.....

‏صوتك مرح ياصاح في لحظة الضيق
ينعـــش فـــــؤادي نبرتـه لاسمعته

احـس في صوتــك سعـاده وترويق
وثوب حزنـــي بعـد صوتـك خلعته

ياليـت صوتك اسمعـــه كل مافيق
مثل العـــلاج اللي بيومـــي جرعته

كان ان انا حلقــــت بالجــو تحليق
وجو السعاده بزيـن صوتك صنعته


.....

‏لاتكابــر شـــوف لك نظـــــره وعدي
ماعلى النظـــره على اشعاري حساب

ادخــل اقـــراء ماكتـــب قلبي بيدي
من قصايد شـــوق واشعــار العتاب

كلها لك وانت مقصـــودي وقصدي
وانت تدري بــس ما تعطــي جواب

طبعك القاسـي حــرق قلبي وكبدي
وذقُت منك الويل واصناف العذاب


.....

‏ياطيــــر ياساجــــع على كل مرقاب
ياليـــت جنحانــك بكفـــــي مطيه

لازاد بـي شـوق الغوالــي والاحباب
اســـرح على اجناحــي بلهفه قويه

ياطير زاد الشــوق والشــوق لهاب
بركان ثايــر فــي الضلـــوع الحَنيه

من شدته أنهك عروقي والاعصاب
وهَد الخفـوق اللي بالاعمـاق حيه


.....

‏عنـد العناد بـ هامتي ألف عفريت
ما اعمل حساب لأي واحد بكوني

إن جيتني بالشـر ماعنـك أبطيت
وإن جيتني بالطيـب تاخذ عيوني

هذا انا بالعـــــز دايــــم تربيت
ماحط نفسي لو فنا الراس دوني

عايش وشامخ بالشهامه تحليت
وشايل طبوع العز فوق المتوني
‎

......

‏كفي بكفك خلنـا نطــــرد الياس
العمــر فرصــه مالنا عُمــر ثاني

خل السعاده بيننا مالهــا اقياس
وخل الفرح يمــلا ربوع المكاني

مادام فينا الحــب ياحب لاباس
انسى معي فالحب جور الزماني

روق ونسي خاطري كل الاتعاس
وافـــرح معايا يا حبيبي عشاني


.....

‏صباحك انا واطيـاب عـــوده وفله
تطــري عليـــك وتنتثر ورد وازهار

يلــي غلاك استوطــن القلب كله
وخذ شعوري والمشاعر والاشعار

ياطيـر خــذ مرسـول قلبي وشله
واعبـر بشعـري للذي قلبي اختار

واهديه من قلبي سلامــــي وقله
باقـي على حُبـــه ولو صار ماصار


.....

‏بيـن الجمــال اليوسفي وبيـن زينك
مقـــدرت اقارن بالنظـر بينك البين

حسنــك فريـــد الله يخلي عيونك
والله يحمي كل حسنك مـن العين

ماشفــت مثلك في عيوني قرينك
لا من بنــات اسبانيا او من الصين

يا الفاتنـــه في الزين قلبي رهينك
ومحبتك في خافقـــي والشرايين


.....

‏قصايدي ماهــــي هواجـيس وافكار
مغــــزاء حروفــــي نابعه من كياني

احساس له معنـى يترجمه الأشعار
قلبـــي ورق والحبــر منطق لساني

صيغه وراهــا من كواليس الأسرار
اسرارهـــا موجـود بـــين المحاني

اسرار تحكــي بالذي داخـــل صار
واللي جرالـي مـن حظوظ الزماني


.....

قالت مساء الورد والصوت مبحوح
قلت المساء مـــع طلتك شـي ثاني

قالت تعشــق الروح يا منيـة الروح
قلت اندماج ارواح وسـط المحاني

قالت سلام الله وانا عنــك باروح
قلت السلامه فــي عيــونك اماني


......