فوق هام السحب ( الشعر الشعبي) على متن القوافي

خلّ لك فوق الشّواهيق والعليا مكان
‏اِردع النفس العنيدة وخالف ودّها

‏لا تحدّك سود الأيّام وظروف الزّمان
‏كل ما شفت اللّيالي تحدّك حدّها


......

من عطاه الله محبة فـ القلوب
‏أشهد أن الله معطيه .. الكثير

‏جعلني لاجيت للناس محبوب
‏وجعلني لاغبت .. مذكورٍ بخير

......

قدر مـقام اللي يقدر مـقامـك
‏واجز الذي عاملك بالخير خيرين

‏أحـذر تـنقص لـلـوفـي اهتمامـك
‏مايجحد الـوافيـن غير الرديين


.......

في القلب قصرٍ للغـــلا وأنت بانيه
حراسه أشواقـــــي وطيبة ظنوني

أظن بك ظن الوفا وأنت راعيــــــه
ياللي طيوفك في الغياب إسكنوني

أنا بدونك باقـــــــــــي العمر ما ابيه
هـــــل تستطيع تعيش عمرك بدوني


......

يامدور الهيّن تـرى الكايد أحلـى
وأسأل مغنّـي كايدات الطروقـي

الزين غالـي لكـن الأزيـن أغلـى
والكلّ شـرّاي ٍ بضاعـة وسوقـي

النوّ عالي و السمـا فوقـه أعلـى
ولا فاق علم ٍ جـاه علـم يفوقي


......

‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها


......

يابحر انا بنشدك كم ضايقن جاك
‏ وكم شاعرن حولك يخط القوافي

‏ تعرف خوافي ناس ماتعرف خفاك
‏ تبلع هموم الناس ماقلتزكافي

.....

استــاذ عـلمـنـي تـــرى مـا تـعـلـمـت
قـلـبـي بـلـيـد اسـتـوقفنّه وصـوفـك

فاهك يقول ان النظر حكمة الصمت
وعينك تـقـول ان السوالف ضيوفك


......

لا غـــبت عن عيني وطول غيابــك
ماغبت عن قلبي ولازلت موجــود

مهما تــعاندني تــغلق حــــسابــك
لابد ميجي يــوم ياخــل وتعــــود

غـلقت في وجــهي وصـكيت بابــك
خليت باب الود والوصل مسدود

عذبت قلب انسـان ما يــوم سابــك
حبك وكفه لك على طــول ممدود

......

يا مرحبا باللـي يـدور حضـــوري
‏يا مرحبا مليـار مــن داخـل الروح

‏ناسـن تواجدهـم يداوي كسـوري
‏بلسم مداوي كل ضايق ومجروح

‏غاليين في قلبي وغايه ســروري
‏شمعه حياتي قربهم راحه الروح

‏ملزوم انا في قربهم شي ضروري
‏اصبح تواجدهم بالاعماق مطروح
‏
.....