اخترنا لكم

غزة تنادي والألم يسبق الصوت
ولا حـيـــاة لكـل مـن لـه تـنـادي

لن الضمائر يا عرب صابها الموت
كن ماحدث لإخوانكم شيء عادي

.....

ياصديقي لاتزيد الثرثره
ضع لنفسك حد ياولد الحلال

واعلم أن كثر الثرثره مسخره
بي تطيح قيمتك بين الرجال

لاتكن رجل وطبعك طبع مره
بالصفات التاليه قالت وقال

ولاتكن مثل الجمل فالمعصره
بالمكايد والفتن والاحتيال

.....

ﻣﻦ ﺑﺎﺡ ﻋﺮﺽ ﺍﻟﻨﺎﺱ ﻋﺮﺿﻪ ﻳﺴﺘﺒﺎﺡ
ﻭﻣﻦ ﺟﺮﺡ ﻏﻴﺮﻩ ﻟﻘـﻰ ﻣﻦ ﻳﺠﺮﺣـﻪ

ﻭﺍﻟﺬﻳﺐ ﻳﺤﺬﺭ ﻻﺳﻤﻊ ﺣﻮﻟﻪ ﻧﺒﺎﺡ
ﻭﺍﻟﺜﻌﻞ ﻣﺎﻳﺤﺴﺐ ﺣﺴﺎﺏ ﺍﻟﺪﺭﺩﺣﻪ

ﻭﺍﻟﻄـﻴﺮ ﻻﻗﺪ ﺻﺎﺭ ﻣﻜﺴﻮﺭ ﺍﻟﺠﻨﺎﺡ
ﻳﺼﺒﺢ ﻓﺮﻳﺴــﻪ ﻟﻠﻄﻴــﻮﺭ ﺍﻟﺠﺎﺭﺣـﻪ

ﻭﻣﺎ ﻃـــﻮﺍﻩ ﺍﻟﻠﻴـﻞ ﻳﺠﻼﻩ ﺍﻟﺼﺒﺎﺡ
ﻭﻣﺎ ﻧـﺮﺍﻩ ﺍﻟﻴـــﻮﻡ ﻏـﻴﺮ ﺍﻟﺒﺎﺭﺣــﻪ

ﺿﺎﻋﺖ ﺍﻻﺧﻼﻕ ﻭﺍﻟﻤﻌــﺮﻭﻑ ﻃﺎﺡ
ﻓﻲ ﺳﻮﻕ ﺍﻻﺳﻬﻢ ﻭﺍﻟﺒﻨﻮﻙ ﺍﻟﻤﺎﻧﺤﻪ

ﺯﻣﺎﻥ ﻛﺎﻥ ﺍﻟﺨﻮﻑ ﻣﻦ ﻏﺰﻭﺍ ﺍﻟﺮﺑﺎﺡ
ﻭﺍﻟﻴﻮﻡ ﻳﺎﺧﻮﻑ ﺍﻟﻌﻨﺐ ﻣﻦ ﺷﺎﺭﺣﻪ

الذي ﻣﺎﻳﺤﺴﺐ ﻟﻠﻔﺸﻞ ﻗﺒﻞ ﺍﻟﻨﺠﺎﺡ
ﻻﺑـــﺪ ﻳﺘﻜﺒـﺪ ﺧﺴﺎﺋــﺮ ﻓﺎﺩﺣـــﻪ

ﻣﺎﻋﺎﺩ به ﺣﺎﺟﻪ ﻟﻘـﻼﺏ ﺍﻟﺠــﺮﺍﺡ
ﻣﻦ ﻣـــﺎﺕ بي ﻧﻘــﺮﺍ ﻋﻠﻴﻪ ﺍﻟﻔﺎﺗﺤﻪ

.....

احـذر عـنـادك ان سـبـب لـك عمـاء
حتى ولو ضنك ببعض الناس خاب

فـلا تـقـرر يـا صـديـقـي قـبـلـماء
تفحص خويك في حضورك والغياب

احيان غلـطـه تدخلـك عـذب اللـماء
وتعيشك انته وضميـرك فـي عذاب

مقتول عند المـاء ولا بشـح الظـماء
وايـاك تـلحـق بالـذي يـصبح سـراب

.....

مساء الخير والانوار والود والرضاء
وبالفل والأزهار امسي على الجميع

مساكم سعادة تملأ الأرض والفضاء
ودعوات مقبوله من الواحد السميع

بقلمي

اصــغـرت فـي عـيـني الـدنـياء وذلَّـيـتها
مـاتـستحق الـعـناء مــن اجـلـها والـتعب

لــو هــي جـديـره بـحـبي كـان حبـيتها
تـركـت لـيلـى تـدلـل في عـيون العرب

دنــيــاء دنــيـه ولا تــغـلاء لو اغـلـيتها
تـــزول فـيـهـا مـنـاصبها وتـفـنى الـرتب

قـال المثل حط نفسك ويـن ماحطيتها
مـايرفـع الـنفس غـيـر اخـلاقـها والادب

يــامـن تـكـافح علـى دنـيـاك و اوفـيـتها
الـعـمـر لافـــات مـاتـرجع زبـيـبه عـنـب

قـصدك تـكحِّل عـيـونك وانته اعـميتها
ماشفت احد شل من دنياه ماقد حسب

لاالذي اغتناء فيها ولا الذي قال ياليتها
والكل خـسـران فالدنياء لنفس الـسبب

.....

العقل نعمه ووهبه من الرب الكريم
الله أنه يرحم أهل العقول القاضيه

والفهامه ماتجي غير من رجل فهيم
بالليال الحاضره والليال الماضيه

والجزاله حكمة القول لاجا من حكيم
والجهل ياصاحب العرف نار حاميه

.....

يا رفيقي ما تناسيتك دقيقة
لو يضيق الوقت وتضيق الثواني

لك بقلبي والغلاء ذكرى عميقة
ولك مكانة ما وصلها شخص ثاني

صحبتك يا صاحبي صحبة عريقة
راسخة في قلبي وحدب المحاني

لعنبو من باع فِالدنيا رفيقه
لجل كسب المال وبلوغ الأماني

صاحب اللي بالوفاء يلمع بريقه
من يصون العهد ويسوق المعاني

واحذر السيء يضمّك في فريقه
واترك الشخص المراوغ والأناني

يا رفيقي ما نسيتك بالحقيقة
كيف بنسى شخص مستوطن كياني

بين قلبي والوفاء باسمك وثيقة
وعد منّي ما يغيرني زماني

.....

الناس تجري كل ساعه في فلك
من ضاع بالماضي خسر مستقبله

ماكل من تشتاق له يشتاق لك
وكل من يشتاق لك تشتاق له

قد يوصلك ذا ماتمنى يوصلك
واللي تمنى يوصلك ماتوصله

وربما تهتم في شخص اهملك
ومـن تعناء با اهتمامك تهمله

انسان مايعرف طباعك يجهلك
وانسان ماتعرف طباعه تجهله

والي ماتجيبه عندما هو يسألك
يقدر يجاوب قبل ما انته تسأله

ليش ماتفكر بالنجاء قبل الهَلك
وبالتواضع توصل اعلى منزله

.....

اكسب رضا الشيبان واحفظ صلاتك
ومالك ومال الناس صاحي ومجنون

.....