فوق هام السحب ( الشعر الشعبي) على متن القوافي

في غرامك طحت طيحة كسيرٍ في قليب
‏انقطع صوته وكن العرب فيها صقه

‏مدّ لي حبل المواصل وساعدني وأطيب
‏الهجر مافي يده غير حبل المشنقه

‏كل يوم ما يجيبك هو اليوم العصيب
‏اتحرى من بزوغه مغاييب شفقه


......

في هالزمن ياصاحبي عيش دنياك
لا لاتحاول تفهم اللي حواليك

تكشف لك الأيام من كان يهواك
ومن هو يمثل دور انسان يغليك

وناس ليا شافوا الزعل في محياك
تسابقوا من فيهم اللي بيرضيك

صعبه تلاقي فالبشر بعد فرقاك
من يذكرك بالخير لاحل طاريك!!
‎
......

لا بار عزمي في هواك .. ولا فتر
ياحلمٍ أبطى لا قرب ولا أستحال

طبقت معك الصد ، بالملي متر
ولا قدرت أنسى معك حلو الليال

خل الجروح اللي مضت - على كتر
المشكله بجروحي اللي لا تزال

اللي بوجهي تستره .. ماينستر
واللي ورى ظهري تقوله مايقال


......

ياطـــب للــــقلــب والبـــلــسم
ياحـــــلو مـــــزيون الاعــياني

ياخــــد حالي جميل اخجم
للحــــسن والــــذوق عـــنواني

الورد الاحمر على المبسم
والعــــــنق حــــالي وفــناني

شـــــوفك دواء للوجع والهم
ياناقـــــشه حـــلو الابناني

جســـمك لكل الحلا قــدلم
يالــــون من خــير الالــواني

ياحـــلو مــــزيون متـــمقرم
ياغصن في وسط بســــتاني

تعــــال نضـــــحك ونتـنادم
كلــــين يســــعد بــه الثاني

......

مافيه مثل العافيه ستر وغناة
‏ان جات للمسلم تراها كافيه

‏كم واحد يطلب ملذات الحياه
‏واذا مرض مايطلب الا العافيه


......

صف النوايا واذكر الله وترتاح
‏واللي تشوفه قابله بابتسامه

‏خلك وسيع البال طيب و مزاح
‏ترى الزمن ما يستحق الملامه


......

صباح ٍ عسى الله فيه يجمع شتات قلوب

‏عسى تجتمع في الحب مـن بعد فرقاها

‏فراق الحبـايـب فـيـه جـرح وعنا ولهوب

‏مـن فـراقـهـا ناحـت مـثـل نـوح ورقاها


بقلمي

‏الأدمي يسعى ويأخذ بالاسباب
‏والمجتهد ما يأخذ إلا نصيبه

‏لو طالت الطرقه وخيط الشفق غاب
‏البعد زرفال الركايب يجيبه

‏والطيب والمعروف له عدّة ابواب
‏والصدق وجه الحق والكذب خيبه

‏ومن لا اغتنم درب المراجل وهو شاب
‏ماهوب مدركها إلى صار شيبه


......

دوم اتحرى يا منى العين جيتك
وارقب وادوّر بـين الازوال زولك

وانا انتظر شوفك بيدّي هديتك
قلـبٍ يحبك طول الايـام حولك

كل المشـاعر رحبت بك وحيتك
عـسى تـلاقي بالمـحبـه قبـولك


......

اليا دخل فصل الشتا قام غرد
تري الدفا في حُضن مريوشة العين

واللي ترد البرد منها تجرد
الكوت والفروه ومن بشته الزين

واليوم في حضن المكيف تبرّد
ماعاد يطري له حُضن كامل الزين


......