اخترنا لكم

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال ما فيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ما سلا

.....

صدق الشاعر الامير خالد الفيصل :


من باعني لو تكون أجداده أجدادي
بعته وبعت الديار اللي سكن فيها

تشيب العقول ولاتزال القلوب اطفال
تحب الفرح واقل حاجه تبكيها

.....

علاج الكبود من الغثاء تلت الموتر
وفرقا الغثاء ومزاحم الناس والصجه

.....

‏لا تقول ان الليالي فرقتنا
لاتقول ظروفنا عيّت علينا

الليالي يوم ودك جمّعتنا
يوم ودك كل شيٍ في يدينا

يوم همّلنا الليالي همّلتنا
كيف تعطينا وحنا ماعطينا

الليالي عن هوانا مانهتنا
البلا حنا على البعد انتهينا

.....

تركتك تروحين من يوم حسّيت
إنّك عمر والعمر مقدر أعيده

عزّيت نفسي فالغياب وتقوّيت
حتى لو إن أقرب سعاده بعيده

لو قلت أحبّك فأي جمله وصدّيت
من صدقها بتصير جمله مفيده

اعتبري إنّك بيت دايم وأنا بيت
يمكن يجمّعنا القدر في قصيده

.....

تعال شوف الي ما عمره تاه تاه
والي ما عمره ضاع ضاع القايله

عساني اخر من يضمه في الحياه
واٌول مـــن يضمه بــكرت العايله

.....

يابنت انا فالحب ما اداني اللعب
ما الله مفهمني بلعب الكراسي

لو اتنازل واتجاوب مع الشعب
قلبت قلبي فندقٍ دبلوماسي

ماطعت عقلي لين قلب العنا تعب
وانا الضحيه بالخلاف السياسي

والذكريات مسببه ليّه الرعب
اللي تغربلني ليا صرت ناسي

.....

اللي ماعرف يلبس ثياب الصداقه زين
ولو يدّعيها يفضحه وجهه الغابر

ماحنا على بوق المواثيق مترَبين
ويدري بنا اطيب منه في ذي ويكابر

طويل اللسان يعَيّن اللي طويل يدين
على فركة الخشم وعلى وطية الصابر

.....

ليا شانت وجيه الليالي وقلّ الراي
وخلايا الدماغ من التفاكير مضطربه

عط الراي عمرك لا تشاور به الحكاي
لو ان الطواري سربةٍ من بعد سربه

فلا تزتمل وتقول ماجت على مشهاي
فرجها ليا ضاعت على فارج الكربه

ترى شرهة البندق على وقفة الرماي
مثل شرهة الفارس على زرقة الحربه

.....