فوق هام السحب ( الشعر الشعبي) على متن القوافي

‏معزبن لاجيت يضحك حجاجه
يزيد في وجهك كثير التراحيب

علي الكرم والطيب مضوي سراجه
ومن طيب باسه ماتبين لعذاريب

ومعزبن لاجيت مثل العجاجه
طبطاب صيف ولايعرف المواجيب

ابومشعان

‏ماشفت من بين المخاليق مخلوق
اردى من اللي فيه حقد ونذاله

قلبه على كل المطاليق محروق
بالحقد لجله قاصرات ٍ حباله

على النذاله دوم ماهو بمسبوق
طبيعته من قشر حظه وفاله


بدر الجميلي

لايدّعي الحب من له قلب مايرحم
وكيف يعشق وقلبه ماملك رحمه

من كان عاشق يمازج دمعته بالدم
وان خط فالحبرمن دمعه ومن دمّه

يالهف قلبي عليهاعذبة المبسم
من يوم بانت نسيت الفرح والبسمه

اسائل البيت عنها ريت يتكلم
والبيت اخرص ولابيّن ولاكلمه

سقاني المر..من اسقيه من زمزم
امسيت مسقوم من ازمه الى ازمه


......

ياصاح ماكل غيبه تعتبر صده
لاعاد تشره على من راح في فاله

يمكن ضروف الزمن للغيبه تحده
ويفضل انه يصد بهمه لحاله

ولو ان بعض العرب حلمه ع قده
ماضيع الصالحين ابليس وعياله

غير اعذر الطيب اذا غاب له مده
لاتحرجه ونت ماتدري عن أحواله



......

ياليل هذي علومي واخر اخباري
‏للحين ضيقي علي دربك مسريني

‏لا تنشد ان شفتني في عتمتك ساري
‏ما اخترت غيرك من الدنيا يخاويني


......

ترى الكـرامـة سلعة مالهاسـوق
مايشتريهاالـمـال ياصاحب المال

لاصرت ما ذليت نفسك لمخلوق
أنت الغني لو كان ما تملك ريال


......

يالله لاتقطع رجانـا مــع الصبح
في ساعــةٍ ندعـي ونرفـع يدينـا

غفرانك ورحمتك هي غاية الربح
أغفر لنا وأرحـم لنا والـدينا

بقلمي

يا فاقدين أحبابكم وش تسوون
لا مدت الذكرى الحزينة يديـــها

كيف نتجاوز حزننا ماتعـــرفون
بعض الطواري موجعـــة مانبيها

دايم على بال المواجع يمــــرون
مافيه ضحكة مالهم صوت فيـها

ياليتهم عن ضيقة الفقد يــدرون
ودروبهم وشلون دایــــــم نجيها

من كثر ماصاروا على البال يطـرون
حـتى خــطاياهم ولــهنا عــــليها


......

شعري كانه يهمك جاك لعيونك
لابو قصيد تردى فيك ماصانك

كان القصايد ترد احساس مفتونك
اصير شاعر غزل كله .. عشانك


......

قولي لسلسالك المطلي ذهب وذنوب
لا عاد يلمع على صدرك ويجذبنا

حتى ولو أن فستانك عليك يذوب
أصل العلاقه معك تبنّا ولا تبنا

يافتنةٍ أثّرتي الفتنه وش المطلوب
أهدافك قلوبنا ولا مذاهبنا


......