اخترنا لكم

‏الي بدون أسباب صد وتجاهل
‏ماعندنا له غير نفس التصرف

‏يجوز في بعض الأمور التساهل
‏إلا التساهل بالمقام المشرّف

.....

يا دار الاحباب كلن له من اسمه نصيب
وانا نصيبي من البيبان مقفولها

غربت نفسي بنفسي لين صرت الغريب
اللي عجز ياصل الديره وهو حولها

احتاج لاطيب خوي واحتاج لافضل حبيب
لين الغلا والهموم يقل مفعولها

ياصاحب الخاطر المكسور خلك قريب
عندي قصيده حزينه يمكن اقولها

.....

دموع الفقد ما يقدر يكفكفها طرف منديل
تقول ان الحزن يغرف دموعي من طرف غيمه

.....

عباديّه شعوري لو تبكيها لحون العود
محاجرها قصيده والدموع حروف قافيه

……

تعلقت بك واثر التعلق مثل الادمان
يضر البن آدم بس مايقدر يخليه

فلا تستفزك غيرتي في بعض الاحيان
أنا لا ملكت الشي ما ابغى خشيرً فيه

.....

‏تعجبني اللي في الشعر ذوقها ذوق
ماھوب حي الله قصيد يعجبها

دايم نظرھا وإختياراتها فوق
تعرض مفاتن ذوقها في أدبها

.....

القهوه اللي تعدّل راس شاربها
ماهي تعدّل مزاجه لانها حلوى

تبقى المراره على كبده تحاربها
ويقلّب الراي ملوى تقتفي ملوى

يبني هجوسٍ كثير الهم خاربها
لعل نفسيته تصبر على البلوى

حتى يعلق رسنها فوق غاربها
مادامها من غرابيل الزمن تلوى

.....

أتخيل وجهك الزين وأمسسي عليه
كل وجهٍ غير وجهك مايغري ناظري

.....

مفروض كحل العيون يزيد فيه الغلا
ولا ينشرى الا لعين المهره الشارده

الكحل في عين عذرىً ماعليها حلا
مثل القصيد القوي فالحفله البارده

.....

نشّت من القبله قنوفٍ محاديب
‏يا حيّ فضل الله وحيّ المخيله

‏لاعاد تنشد عن سموم اللواهيب
‏البرق يلعج والنسايم عليلـه

.....