اخترنا لكم

طبعك تغيّر معاي وصعب تفسيره
تجرح شعوري جفا وتقول تغليني

.....

‏عميقات الرسايل مايجي من قبلها توقيع
‏عط الأنسان وجهٍ غير وجهه يقدر يواجه

‏شعور المقتدر لامن عشق حاجه ماهي للبيع
‏تراه العن من شعور الفقير اللي يبي حاجه

.....

‏انا لولا الوفا ماجيت درب الشوق واقداره
‏وتركت اللي يبي قربي عشان اكون مسجونك


‏سعود بن محمد العبدالله الفيصل

حتى لو الارض ضاقت فيك خلك ضحوك
وأحرص على الواجبات وخل صدرك ديار

لا صرت راعي صلاه ومرضي امك وابوك
لا ضاقت الأرض تضرب راسها في الجدار

.....

من عذوبة ما تقول العرب لا خاطبوك
تسمعك بقلوبها ما تسمعك بالاذان

يرحم الله شايبينٍ من الغيم قطفوك
وتركوك تعمّر الارض ورد وزعفران

....

عسى المترف اللي تشبعه حبتين التوت
يعوّد على خبري وأعوّد على خبره

حزمي بن سعد

عسى اللي هواه يهون البعد والمشوار
يعود على خبري به يحن ويواصل

عويد النجود

تصدّ القلوب من الغلا والنفوس تملّ
يا هُون الجفا لا شافت العين ما تكره

على رمح صوتك ماتو المشكله والحلّ
سراب الدروب أصدق من الحرف والنظره

أحبـك طواري بس ماعاد أحبك خلّ
ولازلت أحب العذر بشفاك وانتظره

على رمشك تسيل المحابر وينبت ظلّ
انا تحته المحتار واللي غريب أمره

تزلّ إيدي برقمك مثل ما اللسان يزلّ
مع اللي تحده كلمتينٍ على صدره

تورّيني ابواب المفارق وانا ما ادلّ
مثل من يورونه قبل موتته قبره

تغلى بكيفك لو تصير المحبه غلّ
لكن لا تساوم من يحبّك على قدره

تراي الفقير اللي غناته بكلمة ذلّ
تساما وهو لو جاد فيها دفن فقره

.....

وصلك يزيح الهم واقسى الاكتئاب
ويجعلني امن الحزن بظلال وذرا

وصوتك يذكرني بزخّات السحاب
اثنينكم في ردّة الروح اخشرا

.....

لو ينفجر صدري من الكتمان
خذيت من طبع البشر درسي

ودي افضفض لي على شيطان
واذا خلصت اقرا ايه الكرسي

.....