اخترنا لكم

جرحك تبيّن على الوجه وعلى النبره
الكل شافوه وانت تقول وش يعني

هذا القسى فيك ما اعرفه ولا اخبره
بس اعرفك واحدٍ ما كنت توجعني

.....

‏لا طابت نفوسنا من شيء وأقفينا
لا عود اللي خذاه الموت عودنا

.....

‏لا مات الشغف فالادمي كل شي مات
حتى اغلى طموحاته مع الوقت يهملها

.....

‏كنت انتقي لعيونها عيون القصيد
‏وأقول دوك عيونها ياعيونها

‏واليوم لا شاعر ولا عندي جديد
‏الشاعرية ناقصه من دونها

.....

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب الين سلمك للمرواح
‏ولديت وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

.....

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى ولاّ من آل الزهر
‏ولاّ من الفجر وأنوار السماء تنتمين

.....

سنّد على اللي في يده ملك الأملاك
اللي ملوك الأرض عنـده مماليك

اليـا عطى لـو ضدّك العالم أعطـاك
وإليا منع ما أحدٍ من الناس معطيك

.....

‏والله ما مثل التوكل على الله
يملا لك الدنيا سعاده وتوفيق

واللي يردد دايم أسـتغفر الله
تلقاه مايدري عن الهم والضيق

.....

مصير الأيام تضحك لي وتفرحني
من بعد لوعه وضيقة خاطر ودمعه

والانسان يقضي حياته دوم متعني
والله مجيبً الدعاء في ليلة الجمعه

.....

انا عرفت الناس ما اجهل الناس
حتى غدت نفسي من الناس حذره

ماهو لزوم اللي زرع يحصد احساس
احيان تزرع لكن الارض قذره

.....