ديوان الأمير بدر بن عبدالمحسن

انتي اصلاً بينهم ما تشبهين
غير نور الشمس او نور القمر

لك عيون الله يعين الناظرين
كل نظره منها شبت جمر

و لك خطاوي قبل حتى لَتخطين
لجلها اللا ممر يصبح ممر

لا بديتي طالبك لا تنتهين
انتي اكثر شي ودي يستمر

البدر

انا لعيونها بس ... لعيونها

قلبي سراب بدونها

وعيني سراب

ما اقول أعشقها بعقل

مجنونها...مجنونها

البارحة مريت في أحلى الفصول

صيف وشتاء

وناظرتها

وقلبي يقول هذي العيون إلى متى

حبيبتي ياكثرها عيونك على هالليل

وين ما التفت اشوفها

حبيبتي يازينها عيونك على هالليل

سحرني برق سيوفها

ما أقول أعشقها بعقل

مجنونها ... مجنونها

قمري .. يا شمس الذهب

سفري وراء عيونك تعب

قلبي تعب... وصبري تعب

ومن الهدب لين الهدب...

بحر ومراكب من لهب

أمواج تبحر برضاه ..

وأمواج تلعب بي غضب

وانا لعيونها بس ... لعيونها

قلبي سراب بدونها

وعيني سراب

ما اقول اعشقها بعقل

مجنونها ... مجنونها

البدر

كيف أكتب الشعر وعُيونك قصيد
وكيف أوصفك وأنتِ القصايد كلها

البدر

قال .. قهوتھم ذقتها حيل مرة
‏وفنجالها ما هوب مثل الفناجيل

‏قلت الفخر في طعمها والمسرة
‏وما عابــها مـــرارة البــن والهيل

‏هي رشــفة لا شعھ ما هيب مرة
‏تطول ما طالت علــوم الرجاجيل

‏دلالهــــا تصلــى بجمــر المجرة
‏وفنجالهــا يضوي سواة القناديل
‏
‏ِبدر بن عبدالمحسن

كيف اكتب الشعر وعيونك قصد
وكيف اوصفك وانت القصايد كلها

كيف اوصفك ماتوفيك الحروف
مليون مرة أفكر فيك قبل اقولها

اختصرك بكلمة يازين الوصوف
شوفتك سعاده وضحكتك اضمها


البدر

من زعلك في عيونك السود نظره
لا شفتها حسيت بالحزن والياس

من زعلك طاحت من الليل قمره
خلت طريقي من المواعيد والناس

لو هو انا بالله شوفيني مره
وأنا أعتذر للتبر للدر للماس

أبعتذر لنجومها في المجره
وللما القراح اللي شربته من الكاس

حبيبتي أرجوك في القلب حسره
كافي زعل اشغلتي الفكر هوجاس

والله لو تدرين ها الحب جمرة
بين الضلوع تشب من حر الأنفاس

غديت طفلٍ ضايع فيه عبره
محدٍ سأل وشفيه ماقال لا باس

وهذا الغرام الله يكفيني شره
بعيش أحساسه وباموت أحساس

البدر

مايموت الود لو مات الكلام
لك مكان وذكريات ولك شعور

منت عابر في حياتي والسلام
انت حتى في غيابك لك حضور


البدر

الناس من بعدك هلا وانت لبيه
الحاضر انت وماضي الناس ماضي


البدر

مدري اواسي حلمي الي تمناك
‏ولا اواسي قلبي الي خيبت ظنه

البدر

‏ما نشدت الشمس عن حزن الغياب
‏علمتنا الشمس نرضى بالرحيل

‏البدر