فوق هام السحب ( الشعر الشعبي) على متن القوافي

ارتحت من حبك ورجوى وصالك
وارتحت من كثرة محاتاة فراقك

وارتحت من كثر انتظار اتصالك
ومن حفظ جدول يومك ووقت ممساك

ماعاد جاني قبل لا ارقد خيالك
ولا عاد تشغلني الى اصبحت ذكراك

جدا طبيعي يوم جابو مجالك
ابشرك قلبي بدا صدق ينسّاك

سلم على روحك وخلك لحالك
قلبي خلص والشوق والحب يفداك


......

ما هو جفا لو شفتني عنك صديت
عمر الجفا ما راود النفس يمك

باسم الغلا ساكن وبالقلب حليت
بقصى خفوقي مسكنك يوم ضمك

لا ما تخلى عنك لو غبت وأبطيت
غلاك يسريبي مثل ما سـار دمـك


......

‏قلوبنا ماهــي كـراسي للأغـراب
ولامحطــّه فـي دروب التـجارب

مو كل من يطـرق فتحنا له الباب
ولا كل من جانا بالاشــواق راغب


......

لها من ورى عوج الحنايا وطن ومراح
ومكان ٍ ما غير جاير الوقت منزلته

اغني لها المنكوس واردد الرواح
وا قاوم وصدري نار الاشواق مشعلته

على مدهله حلم توفى وحض ٍ طاح
وحنين ذبح روح التفائل معاملته

من العام وعيون المضحي على السراح
ولازال يبني حلم ويكرر اسئلته


......

سلامي على المتحكمة بـزعلي ورضاي
وعلى الغرة اللي طوقتني على غرة

ولا هان عود شوفته تطلق محياي
نسيم الهبوب يداعبه كل ما مره

هذي جرته في مرتع الصدر رايح جاي
من أبسط حقوق الحر خطواته الحرة

يا محبوبتي لا زال كوعي على مركاي
تحلويت صكات الليالي و هي مرة

أنا أجر قلبي مع طريقك وأجر خطاي
وأخاف أجرحه ويسيل دمي على الجرة

تغربت حتى عن ربوعي وعن مرباي
أحس الوطن ما فيه عارض ولا حرة

بعدك الليالي صوتها صوت عازف ناي
يهيض جروح القلب ويقلب الصوره

اذا ما بقى حنيةٍ تستعيد قواي
حنانيك باللي يقطع الشوق بالمرة

وقوف الحياد أستنقصه من سنين صباي
أشوف أهله في الغالب أصغر من الذرة

لا شان الزمان يضرني واحد من عداي
ولا غاليٍ لا سر وضعي ولا ضره

لو الموت مرة ما تعنيت في دنياي
أنا أشوف لي حيين ماتوا مية مرة


......

‏معاه السوالف غير يا حلوها حلواه
تذوب الحروف الأبجديه وأنا معها

لذيذه مساء الخير لا قالها بشفاه
يا حلو اللي قايلها ويا حظ سامعها


......

‏لا عشت ياراع النمايم والانفاق
عقرب ثرى تلدغ على دفعتيني

اهل الحسد ماقفلو باب الارزاق
رزقي على اللي كاتبه في جبيني

شذابة العرقوب قطاعة الساق
تقصر يمينٍ ماتساوي يميني


خلف قطنان

‏ماشفت من بين المخاليق مخلوق
اردى من اللي فيه حقد ونذاله

قلبه على كل المطاليق محروق
بالحقد لجله قاصرات ٍ حباله

على النذاله دوم ماهو بمسبوق
طبيعته من قشر حظه وفاله


بدر الجميلي

‏وعد اللقاء طـــول وانا ياخي اشتقت
والشــوق مالــي فيـــه يا حب حيله

ذايب وميت فيك واشتقت وادمنت
والبُعـــد قاتـل والمراحـــل طويله

ياحـب يا اللي في خفوقــي تمكنت
على اللقاء ياحـب شف لي وسيله

ماعاد اطيــق البُعــد ياخي تجننت
والشــوق قطــع قلبــي الله وكيله


......

وافين ونخاوي مطاليق وافين
وعمر السنافي مايبيع السنافي

ونسري معا ليل الرفاقه مطفين
ولا غاب نور البدر مابه خلافي

وحنا فلا جات المهمات صلفين
ولا نحب الزوبعه في العوافـي


......