اخترنا لكم

‏نور الـمساء اللي على طلتك فاق
يقطف من اشواق المحبين باقـه

بينك وبين المساء تحتار الأذواق
سكـر حضـورك نادراً في مـذاقـه

.....

عطـني من البومك ولو كان صـوره
‏يسلى بها الناظـر ويضحك ويختال

‏الفقد موحـش والمشاعر غيوره
‏وانا من الثنتين حـاير ومهــتال

‏خـلي سـموّ الشــوق يرضي غروره
‏حـتى يجي له بين اياديك مدهـال

.....

جيتك توقعـت الغـلا مثل ماكان
‏واثرك على فرقـاي عجـلٍ ذهابك

‏ادوّ الزلـه معي قـدر الامكـان
‏من شأن تصّـنع من وراها غـيابك

‏ليت الليــالي علّمت عنّك يافلان
‏قدام أعيشك حلم واطرد سرابك

.....

لد النظر في عيون اللي يحبّك وشوف
‏اشيا واجد بتعرف ويش تفسيرها
‏
‏ماهو ضروري احبك تنقرى بالحروف
‏عيـون الاحباب تغني عن تعابيرها

.....

يوم حزني في ضلوعي التئم
‏هيضته احلام وبيحت الكنين

‏في دويتو شاركت هي وسهم
‏حركو فينا المشاعر والحنين

‏شاعر سطر حروفه من الم
‏راح وخلانا على قاف حزين

.....

عيـن بدويه فارقــــه فـي حــلاهـــا
‏تأخـذ من عـيون الغزال التـواصيـف

‏الشعـر كــلـه والـقـوافـي فـداهـــا
‏الرمش فتنه والخشم سلة السـيـف

.....

‏يالله إنّك تغفر لمن هو نسى يستغفر
وترحم اللي ما ترك ذريّةٍ تدعي له

بقلمي

مرّت علي أيام من دون تحديد
أعيشها كأنّي بسجن انفرادي

أتصنّع الفرحة من بعيد لبعيد
حسّيت بالغربة وأنا في بلادي

حاولت فالفرحة مساء ثاني العيد
وأفرحت من حولي وأنا صرت هادي

ماعاد تغريني طبوول وزغاريد
والعيد كله صار لونه رمادي

بسّام بن عَشق

رح للسعة وش دخّلك بالنوايا
مالك بغيب الخلق لك في علنها

وكانك من اللي يبحثون الخفايا
حنا من اللي لا لقاها دفنها

ولا فيه أحد ماله ذنوب وخطايا
لا تشغل العالم ولا تمتحنها

أبك الرجال الكاملين المزايا
اللي يروح ويرجع العلم منها

نوبٍ تزل أقدامهم في قضايا
كانوا يردّون الجهاهيل عنها

.....

وجهٍ على راس المواجيب موشوم
ياكيف يرضى بالثرى والعدايم

عينٍ تطاول شهب وتسامر نجوم
لا ما تناظر بالسماء كل حايم

.....