اخترنا لكم

يا طارد اللي راح خلّه وملواه
ما يستقيم الظل لا اعوجّ عوده

ولا ينفع الندمان قولة حلولاه
جحرٍ لدغ يمناك لا لا تعوده

مدّ النظر في خلق ربّي تمنّاه
إلى انتقص من حال حالٍ يزوده

الله جعل للمبتلَى داه ودواه
وكلٍّ على عزمات قلبه حدوده

الأمير خالد الفيصل

أما تجي حكمة وتغلب على الصمت
ولا التزم بالصمت والصمت حكمة

سعد بن جدلان

والله إني مفارقٍ شعر الغزل
بس من شفتك وأنا ببحره غريق

كامل الأوصاف والحسن اكتمل
كمّلك ربي وخصّك بالخليق

من كحل عينك عيوني تكتحل
وإن تناظر بي يجي بعيني بريق

.....

سريتك والسّماء ليلة وداع وقلبها مرتاب
‏وخذيتك وجهةٍ عن غربة الأرواح مجهولة

‏ما هو من طبعي أملّ المدينة وأتبع الغيّاب
‏أنا يوم إنّي اتبع ضحكتك لي عام وشهو له

.....

‏يمر الحزن في صدري ولا يلقى حضن وأعذار
‏وأفتّش عن عذر واحد ولا ألقى سوى الخيبة

‏تعلمّت الوقوف اللي يبعثر كومة الأسرار
‏وقفت بصف أحلامي وأماني ماهي قريبه

‏على درب الوفاء أمشي وأسكّت قلبي الثرثار
‏وأشيل من الغلا واجد ـــ وأشيل الضيق والطيبه

.....

‏تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار ف غيابك علي

.....

‏معه نفس لاعافت تفارق معاد تشين
‏فلا تختبر صبره معك طالبك طلبه

‏يحبك لكن ما ودّه إنك تعرفه زين
ولا ودّه تشوف الموازين منقلبه

‏ليا صد ماعاده مع الذكريات يلين
لو إن الهوى غلاب ماتقدر تغلبه

‏ولو حنّ له قلبه ورفّت عليك العين
‏يده سكرت عينه ورجله وطت قلبه

.....

‏ولا زلت اشوفك بوصلة قلبي الشكاك
‏وانا التايه اللي دل دربه مابين ايديك

‏تسريني انسام الهبايب على ذكراك
‏عساي اهتدي للمفرق اللي يدل إليك

‏مع اني بذلت الجهد كله عشان انساك
‏ما عندي سبب مقنع يخليني اخليك

عبدالله السراهيد

طواري الغايب اللي كل ما هبّ الهوى تنتاب
ضميري، والضمير الغايب أصلًا ساس تأنيبه

جذبك لخاطري تفكيري اللي مانساك وتاب
يعاتبك الغلا في بُعدك ويسأل عن الغيبه

نديمي لو تبعدّنا الليالي فالقلوب أقراب
يمر الوقت والدنيا تلهينا ماندري به

تأكد بأنك الحاضر في بالي لو وجودك غاب
ولوّ لرجعتك قيمه يا كل المال أفادي به

.....

الغلا اللي كنت اخاف انه يعدّي عدّى
اسرع من الليله اللي مستحيل أنساها

كل ما حبيت لي هامش يصير مبدّى
فالعيون اللي تراب الأرض ما يملاها

.....