اخترنا لكم

‏مساء الامل بالله والخير والتوفيق
‏مساء الظنـون الطيبه بالـقـدر كله

‏ترا الابتسامه والبشاشه تفك الضيق
‏تبسم وقل هالابتسامه لوجـه الله

.....

هذا رفيقي ضحكته دون تكليف
تنزع همومي والأسى والكآبه

اليا دعيته واستهلّت سواليف
تحلو مسامرنا لو انّا بخرابه

.....

الله رفعنا في جميع المواجيب
‏والناس ما يلحقهم الذمّ منا
‏
‏لا جا مجال الناس شرواهم الطيب
‏وان جا مجال الطيب شرواه حنا

.....

أنا في غنى عن زايف المدح والإعجاب
ولا في يوم قلت لراعي الطبل طبل لي

.....

جعلني ما أندم على شي تركته
والله يجعلها مع الأيام خيره

وجعلني لا تبت عن شي وخسرته
يرزق الله خاطري في شي غيره

.....

شفت المكان اللي جـلسـنابه العام
جـدد جـروحي يـوم جـيـته لـحالي

عـقب الوصـل جارت مقـادير الايام
ودارت رحـا الفـرقا وسـود الليــالي

.....

ياما على وصـلـك ركضت وتعـنـيت
وفـتـحت لك قلبٍ من الحب تـايب

والحين عنــك ياهوى البال صـديت
حال الفراق وخاطري منك طايب

.....

ياطيف قلبي ياسحـــايب سنينيّ
‏ياشوق عمـري مامضي مني وراح

‏آشتاق لك شوق المطــر في حنينيّ
‏شوقٍ يفيض بصـدر مغليك لي فـاح

.....

ان عطينا عهدنا بالوفا مانهاب
مايوقف عزوم الحر حتى الصقيل

ان تركنا تركنا الي يعيب ويعاب
وان خذينا خذينا النادر المستحيل

.....

تعلق حبهـا بين الحنايا
ابنساهـا وروحي مانستهـا

رقى بي حبهـا حتى وصلبي
لبوهـا وامهـا الي جايبتهـا

.....