فوق هام السحب ( الشعر الشعبي) على متن القوافي

توك وتو الليالي جعل عمّرك طويل
هاذي دروس الزمان اللي تمرك لذا

لاعاد تشره على العالم وخلك ثقيل
الوقت يبغى كذا والناس تبغى كذا



......

‏عن هجير الروح كان الصمت ظلّي
وإن حكيت أغني الغربه وأموّل

ليه أدور نصفي الثاني وأنا اللي
في حياتي ما لقيت النصف الأول

......

عن الإكتفاء بالذات والثقة بالنفس اقول

مالي مع الناس لا مطلب ولا غاية
لاسلمت منها فهذي غاية المطلب

لاصرت في خير وبصحة ترا كفاية
هذي هي اكبر غناة وخيرة المكسب

بقلمي

قالت وش اللي يشبه الناس فيني
قلت انتي كل الناس مايشبهونك

قـالت تعال وحط عينك…بعيني
قـلت البلا يالفاتنه في عيونك

......

‏

سآمَحَ الله سهوة الفكر يوم اِنهآ تجول
في سحآبة وَجد وأستآسمت ذكرآك عل

بس لآمنِّي ذكَرتك دريت إني بَـ آقول
قَدَّرَ الله بـ عبده و مآشآء فعل

......

‏أنا غيرتي من يوم ربي خلقني نار
‏لاحبيت مابي تسأل إلا عن أخباري

‏لو إنك تسولف سالفه فالجماد أغار
‏فما بالك إليا جبت لي للبشر طاري

......

‏خلوني ابعد عن الواقع واعيش الخيال
‏مع اني العاقل اللي عايشٍ واقعي

‏لكن من لا يحمد الله على كل حال
‏اما ماعنده صبر والا ماعنده وعي

......

ان كان حظك مافرش لك وغطاك
لا ترتجي من حظ غيرك يغطيك

وان عاندك سلم امورك لْ مولاك
واصبر على الشدات وارفع هقاويك

مادام رزقك كاتبه يوم سواك
خلك صبور وقاسم الرزق يعطيك

......

‏في كسـور القلب ما فاد الكلام
والله إن الصمت نص العافيه

لا كلام ولا عتـاب ولا ملام
عافت النفس القلوب القاسيه

......

‏ياللي معاهدني على الحب والطيب
اسـعدتني .. والقلــب زاد انشـراحـه

لا شـفت مرسـالك تـزيـد التراحيـب
وانسى الدوا والقلـب ينسى جراحه

معـك معـك ولـو مـلا راسي الشيب
هـذي الصـراحه لابغـيت الصـراحه

أوعدك ياروحي وانا ما اعلـم الغيب
القلـب بيتــك .. والعيـون اسـتراحـه

......