اخترنا لكم

لك في القمر صوره وله فيك صوره
يظهر تشـابهها باســآليب آخــرى

غاب القمــر وجهـــك يمثل حظـوره
غبت انت يملى خانتك بألف ذكرى

مقــدرت اميــز بين نـورك ونـوره
غاب القمـر غدرى وغبت انت غدرى

لا غبــت عــن قلبــي تشتت شعوره
وتطيب في وصلك جروحي وتبرى

ويـــزورنـي ليـــل اشتيـــاقي وآزوره
وانـثـر صباباتــي مــن الوجــد نثـرى

وإطــلالتك تبعــث بقلبــي ســروره
تلقي ثمان إحســاسه العذب عشرى

.....

‏زله لسان الأدمي بعض الأحيان
تقطع علاقات الرفيق برفـيقه

كم رفقه دامت زمان وازمان
عقب المعزه أنتهت في دقيقه

.....

‏خلك على النيه تجيك التوافيـق
‏لو أغلب قلوب المخاليق ظلماء

‏اللّه يبل الريق في حزة الضيق
‏لاشحت كفوف المخاليق بالماء

.....

الناس في أول لقاء ميه على ميه
‏مشكلتي إني مصيد الناس من بدري

‏عفوي وأعامل عباد الله بعفويه
‏وأطير فيهم وأقلطهم بصدر صدري

‏كم واحدٍ تحسبه ماشي على النيه
‏وتلاحظ إنك على النيه ولا تدري

‏ماقِلت أحبك ولا قد قلت ما أحبِك
‏ الحب مالي عيوني وإنت تسواها

‏لو تدري إشكثر تعني لي تعرف إنَّك
‏ آخر أمل في حياتي وأول مُناها

‏يا كثر أحسّ إنْ بِك مني وبي منِك
‏روح قسمها على شخصين مَولاهَا

.....

‏فز قلبي لا طرا لي مثل فزة سجين
‏سامعٍ عقب البطى صوت أخيه وشايبه

.....

‏يالـيـت القلوب الـبـاردة تنعرض للسوم
‏ابا اشـريـك ياقـلب اجـوديٍّ عـلى بـالي

‏ابا آخذك وقت النوم لين انّي اشبع نوم
‏وارجعك حين اصحى من النوم طوالي

.....

‏حـيّ الله اللي لـيامن غبت يفقـدني
‏إلي يـزول الزعل والضيق بـقـدومـه

‏إقـرب وسولف علي لـكنْ لاتنشدنـي
‏مغليك لا شاف عينك ضاعت علوم

.....

‏في حياة الناس ماعندي فضول
‏الخلايق يستر الله حالها

‏ادري ان الناس عاقل ومهبول
‏وافصل العقال عن جهّالها

‏يرجح الميزان في حجم العقول
‏ماهو بهندامها واموالها

‏والطيور تطير وتحوم وتجول
‏ولا توقع غير فوق اشكالها

.....

‏حظك كبير بصّفة الريش ياطير
‏لك خاطرً ما بيّح الوقت سدّه

‏عطني جناحك بس في حزة عصير
‏ولك وجهي إنه لظلم الليل ارده

.....