فوق هام السحب ( الشعر الشعبي) على متن القوافي

مَـعقول لليـوم ما مـريت فــي بــــالك ‍
ما هــزك الشــوق مــره بس تـــذكرني
‍
لو بس رحـمـــة تـحرك خـط جـــوالك ‍
ماهـو ضــروري اتــصالك بس راسلني
‍
مَــعقول يا نور عيـني لأجـل عــــذالك ‍
تــهجـر مُــحــبك ولا حـتى تـــكــلمني ‍

وانا الـذي فــي غرامك صب مــــتهالك ‍
ذايب خفـوقي وبـعـدك حـيل دمـــرني
‍
وأسـال الـنــجم واتنـشد عـن أحــوالك ‍
لـوعنــي الشــوق طيـفك ما يفـــارقني
‍
يا كــم ســـهرت اللـيالي بس كــــرمالك ‍
اتـخـيلك يا غــلاة الــروح تــسامـــرني ‍

يا لب قـلبك فــداك الكــون وانا فـدالك ‍
يا مــــنيــتي يا غـــــلاتي لا تــعــــذبني
‍
لا تــقـول ما ابيك فــال الله ولا فـــالك ‍
يا غــايتي يا مــرادي رق وارحــــــمني
‍
انا الــذي فــي الحنايا حب قـــد شالك ‍
فـكيف يا مــنتهـى امــالي تــــــذوبنـي ‍

ما يسعد الخافق الولهان سوى وصالك ‍
ياليت من فيـض حـبك دوم تـــغـمرني ‍


......

يقول مساعد الرشيدي. رحمه الله

‏الي يبيك يجيك لو دونك قيود
‏يكسر عشانك خشوم الصعايب

‏واللي يبي فرقاك لو دروبك ورود
‏ماجاك لو انك من ادني القرايب

حب من حــبك ولا تــجرح كــيانه
لان حبه فــــرض واجـــب للـــعيــان

وان داعاك الشوق في لهفت حنانه
قوم بادر واغــــترف مــنه الــــحنان

لاتـقول الـــيوم قـــلبي فــــي مـكانه
يمـــكن ان غيــــبت مـــا تلــقى مكـان

ولاتحط النفس بــين اهل الخـــيانه
يـــوم من الأيـــــام تبا تــــصبح مهـــان

والصقر لاشـــال صيده فـــي بنــــانـه
يفتـــرس حـــبك ولا يقبــــل جـــــبان



......

‏السنين شحاح والجمه عليها مايح
‏والهقاوي مظمحله والظنون تخيّب

‏والليالي رايحه والعمر كله رايح
‏والدروب طوال والرحله مهيب قريب

‏دامني من عين ابو وجهين طايح طايح
‏جعلني ما اطيح من عين الرفيق الطيب

‏علي الدعيه

جيتك ... توقعـت الغـلا مثل ماكان
واثرك عـلى فرقـاي عجـلٍ ذهـابك

ادوّر الـزلـه معي … قـدر الامكـان
من شـان تصّــنع من وراها غـيابك

ليت الليــالي علّمت عنّك يافـلان
قدام أعيشك حلم .. واطرد سرابك


......

وليفي عساك من الزمان وغثاه مجار
نسيت الوعد ولا تناسيت صارحني

من أيامنا وش عاد باقي من الاعمار
اذا منت مداوي جروحي لاتجرحني

اظني سمحت من المواعيد والاعذار
مع اني مهب بأدناة حاجة تسمحني


.....

فقدتك ولازلت اتوجد على لآماك
واخاف ان صبرّت شوي ماعاد تلقاني

ياكم مرة ٍ ناديت بـ اسمك بدون إدراك
وانا داري انه بيبطي الرد ماجاني

إلى جتني علومك من هناك ولاهناك
تشاليت لو اني من البعد متداني

عن اللي لحقنيّ عقب فرقاك وش دراك
ياليتك دريت ان الحزن ماتعداني


......

احذر من اللي ينقل الهرج لعداك
يظهر لك الطيب وهو منه معدوم

قلبه مريض ويخلط السم بدواك
يعرض عليك الراي والراي مسموم


بقلمي

نفسي على الشك تنحاني وانا منتحي
لو بيني وبينها في الامر اخذ وعطا

يانفس شومي عن اسفاف العرب وافلحي
عشاقة النايفه تكره حدور الوطى

حنى كبرنا على شرهات بعض اللحي
وانا على نهج من قبلي بحث الخٌطا

الفقر مايستحي ووجيهنا تستحي
وكفوفنا الله خلقها مسرفه بالعطا


......

ياقلب راعه ظروف الوقت واحواله
واحذر تعاند كبير السن او جاهل

خلي شعورك تناسب حالة امثاله
وامشي مع الوقت خلي الكيل متبادل

......