اخترنا لكم

مشغول عني ليش يا قرة العين
وانا الذي للوصل ما شفت غيرك

من بعد ما عشقك جرى في الشرايين
تهمل محبك كثر الله خيرك

واضح نويت الصد والبعد والبين
وفي سماء غيري تحلق بطيرك

.....

انا عليك اشتاق وأقلق واحاتي
العين الاغفت تجيها با الاحلام

منساك لاصاحي ولا في مباتي
اسمر مع طيفك على البال لاحام

يا أول اللي من بدونه حياتي
ماكنهامن ضمن عمري والايام

.....

‏طويت صفحات الهوى والتلاقي
‏وقلت أتسلى وأترك الجرح للوقت
‏
‏وألقـاك في قلبـي ولا زلـت باقي
‏قِمت أتامل في رسايلك وإشتقت

.....

علمني الليل كيف احلم على كيفي
وعلمني الصبح بان احلامنا تكذب

ارتآح بين الضلوع العوج ياضيفي
أقدارنا من قبل نخلق وهي تكتَب

.....

بعض الجروح تروح مع مر الايام
‏وبعض الجروح نموت وفينا اثرها

‏ياكم بنينا من اماني واحلام
‏لكن رداة الحظ الاقشر نثرها

.....

‏ليلة وداعه كنها ساعة الموت
‏ودعت روحي والسنين القديمه
‏
‏ماينفع الانسان لافاته الفوت
‏يجلس يقلب ذكرياتٍ اليمه
‏
‏هاتو لي النسيان للصوره والصوت
وهاتو هدوء النفس اكبر غنيمه

.....

‏يا سليل القمر عطني من الليل ساعة
المساري مواقد شوق والشوق حامي

الفضاء ما كفى محزون رغم اتساعه
والبحر رغم وفرة ماه مابلّ ضامي

.....

وشلون ساقك غرورك صوب ترحالك
‏ما تلتفت في جروحك يا مداويها

‏وقّف وعوّد هذا قدرك ومنزالك
‏وهذي بروكٍ على خبرك مفاليها

.....

تسهَّل والسنين تعالج المجروح
‏ويرجع مثل ما كان الشجاع أشجع

‏أنا ماني مثل غيري يجي ويروح
‏أنا مثل العمر لا راح ما يرجع

.....

وجهك بحر ورموشك السود سياف
‏وبين الغرق والموت برق وقلاده

‏الشال لا منه تهاوى للكتاف
‏شعرك خطف لون الدجى من سواده

‏ما عاد باقي للجميلات أوصاف
‏خذتي وصوف العالمين و زياده

.....