فوق هام السحب ( الشعر الشعبي) على متن القوافي

ثنتيـن حـارب دونـهـا لـذة الـنـوم
فرض الصلاة وباب رزق انفتح لك

عن غيرها لو نمت ما يلحقك لوم
مـا كـل مـا يصلح لغيرك صلح لك

......
.

النوايا بـيـض والـنـظـره بـعـيـده
والصراحه ميزة الناس الصريـحه

ان كـسبنا ماكـسبنا الا الولــيـده
وان خسرنا نخسر وجيهن قبيحه

بندر بن غصين

أدري أن العز في أصلي وراثه
والشموخ اللي من الغيمة قريب

ولآ بغيت أفخر ابـفخر بـثلآثه
بنت عز وبنت شيخ وبنت طيب

.....

‏يا صاحبي صاحبـك ما يعـرف البـوح
صعبـه يسولف لك عن اخـر جروحه

صاحبك يضحك لو غدى كله جروح
واليـا تضايق شال ضيقـه بروحـه

......

‏يا الله يامــن في يــدك حـــل الالغاز
وعندك حلول المشكلات الصعيبه

ادعيك تكشف كربت الناس الاعزاز
وتجبر كسور اهل القلوب الرحيبه

يارب من يقصـد رجاء رحمتك فاز
ياخيـــر من كل البشـــــر تنتخيبه

عبــدك على بابـك وطامع ومعتاز
وانت الكريــم لكل داعـــي تجيبه

......

ياشينها لا صرت معجب من الروح
في شخص گنه بالغلا قطعةٍ منك

لا تقدر تعبّر ولا تقدر تبوح
مشغول به بالك وهو ما درى عـنك

......

‏دكتور زاد الشوق في داخل اعضاي
ابغــا عـــلاج الشوق وابغـا أدله

هل تمتلك ياسيدي طب شكواي
ولانصحت القلب يوقـف محله

حب الزمن هـذا تفاصيل بلواي
اخذ الحبيب الزين قلبي وشله

ماكنت متوقع من الشوق إغواي
وإلا عـذاب الحب يأتــي بعله

لاكن وقعنا زادني الحب إغراي
حتى تمكـن واسكن القلـب كله

......

تعلمت من سود الليالي حكَم ودروس
‏ولازلت أردد بيت شعرٍ على لساني

‏صديق المصالح لو شرى خوّتك بفلوس
‏طبيعي يبيعك لا قسى الوقت مجاني

......

خيره تموت احلامنا في مهَدَها
احسن ولا ينقال ماتت كبيره

يا فهد لو دنياك يبطي شهَدَها
مرّات بعض المّر يا فهد خيره

......

اقــرب اشـــوفك يامكحل عيونك
واضمن نجــاك من كل زله ضمانه

تـعـال مـــالـــي روح تحيى بدونك
يامن خــذيت في قلبي اعلا مكانه

اظهر معي في الوصل كامل فنونك
مــادام روحـــك في حياتي مصانه

......