اخترنا لكم

‏عذرته وسامحته على كل ماسواه
‏ومديت له يمنى المفارق وودعته

‏احبه و لكن خاطري جاه ما كفاه
‏يكفيني اني لا جرحته ولا اوجعته

.....

ليــس الحلا بالحسن والذوق والزين
ولا بلبـــــس المغريــــات الجميلـــــه

بل حسنــك الدايـــم بالخلاق والدين
متحشمــه قــــدوه بنيــــه اصيلـــــه

وما جــوها مايــل لفعـل الشياطيـــن
متــــربيــه واخــــلاق دره فضيلــــه

ونعم بها بنــت الشيــوخ السلاطيــن
وامثــالها فــي الكــــون هاذا قليلـــه

.....

يــارب لاتجعلنــي الجـــى لمخلــوق
ولا تخلــي حاجتــي عنــــد واحـــد

اما تعيشنــي وراســـي الـــى فــوق
ولايجينــي المــوت راضــي وحامد

ويــارب لاتجعل حثاله مـن الســوق
تشمــخ علــى كمــن مكافح مجاهـد

ويــارب فرجهــا علــى كــل مخنوق
من حالــة الــدنيا ومـــن كل فاســد

ويـارب ترزقنـي مــن الخير وتفـوق
نفــزع مــع المحتاج ونغيض حاسد

.....

بعض العـرب تزهـا عليه الاماره
المعضله عنـده مثل شربة الماي

و بعض العرب كنه محطة خساره
لا نافع الرايـح و لا نافع الجاي

سعد الفعم

يا منير عمر لي من التتن معمار
يبرى الغليل اللي على القلب سالي

وإلا رفعت الصوت وأبديت ما صار
من شان تدري ويش ولىّ بحالي

ما اكفاك مني سجتي بعض الأمرار
أنهج جنوب وحاجتي بالشمالي

أركض مع الدنيا كما ركض دوّار
يا ما كسب زندي ويا ما غدا لي

بندر بن سرور رحمه الله

الرزق بامر اللي على العرش مرفوع
الله عظيم الشان جزل النعايم

والذيب يصبر كل ماحده الجوع
ويضرب تخاتيخ الخلاء والخرايم

وكثر العتب واللوم والهجر ممنوع
بين القلوب إللي بها الحب قايم

والسب مايبني للانسان مشروع
واهل الشتايم يحصدون الشتايم

‎عبدالله مشاع السمي

معاد من جيلي سوى واحد اثنين
قفتبهم غبر السنين السريعه

اللي مراجلهم على العسر والين
ومنزالهم بين الحفر والوريعه

سعد بن سحو

طويت الرّشا عن ماردٍ مابهـج ظامـيه
وصدّرت يوم النفس من مشربه طابت

تركته لو ان القلب زود الظما طاويه
ولـو ان كبدي من هـجير اللّظى ذابت

هقينا وخاب الظن في من هقينا فيه
ولا فيه أخس من الهقاوي اليا خابت

هزاع الغميسي

الظروف القاسيه تظهر زحول الرجال
كل مانقيت عشره خرج منهم اثنين

من ذكرك بطيب واثني لامن جالك مجال
اعرف انه المحزم الجبر والدرع المتين

.....

عـسى بارد الجنّه وحوض النبي والحور
جـزا واحـدن مـوجـعني اليـوم فقدانه

وعسى مجلسه في جنة الخلد منبر نور
يـجـاور بـهـا رب الـسـمـوات سـبـحانه

رحـيـل الأبـو يـتـرك فؤاد الولد مكسور
بعد كان لا ضاقت لقى الأمن بأحضانه

عبدالله بن رشيد الجش