فوق هام السحب ( الشعر الشعبي) على متن القوافي

هيضني الضلع في كبد الثرى راكن
وان حدك الضيم قل للضلع ياسيدي

واركيت ظهري على ظل الجبل لكن
ماجت مواااعيد ظلّه مع مواعيدي

......

شعر عراقي
ابد ما شاف كلبي بيوم راحات
انه شوداني للحب وله راحات

ضلت الولف ضلت وجع راحات
بنص ليل يبدي الوجع بيا

محسن ماجد

‏ياعاشـق القـمًـه لايشقـيـك هـرًاج
‏واصـل طـريقك يابـعيد الهقـاوي

‏در البحر من دونه تهـدر الامـواج
‏وراس الجبل من دونه الذيب عاوي

......

الصبر حكمه والامل يطرد الياس
‏والـجـد والأخلاص قيمه وشيمه

‏والعز هيبه والشرف يرفع الراس
‏والـكـذب سلعه مالها.....اي قيمه

......

اصحابنا ماعاد مروا علينا
ابطوا ولا ادري ويش سبة بطاهم

كان الخطا منا فزعنا وجينا
وكان الخطا منهم دمحنا خطاهم

اما سعوا باللي نبيه ورضينا
ولا سعينا كلنا في رضاهم

وان ما تغاضينا قدر مانسينا
ضاعت روابعهم وضعنا معاهم


مبارك بن عيينان

كم واحد ٍ ضاعت حقوقه على شان
ماعنده اسلوب ٍ ولاعنده اخلاق

دايم يهاجم لو على زلة لسان
ضيع ،،، حياته دوم للشر علاق

ومكارم ،،، الاخلاق هي تاج الانسان
واجره على رب ٍ كفل كل الارزاق

بين ،،، البشر لو مالقى رد الاحسان
ماضاق صدره دام للطيب سباق

بدر الجميلي

الهرجه اللي مابها للعرب خير
تنعاف هي والشّامت اللي هرجها

يضحك على العالم ضعيفٍ معيثير
خيْله مع رجال العرب ماسرجها

واليوم جاك يبهّر الهرج تبهير
علّة عسى المولى يعجّل فرجها

اللي يسب الناس من دون تبرير
ليته سكت والسّالفة ماهرجها


عيد الخمشي

الشدايد ميّـلت عـن كـل وجـه قـنـاعـه
وانكشف زيـف ازهـل ودورني وتلقاني

الـمراجـل طبع ذاتي والجميل طماعه
والمبادي تتضح في الموقف الانساني

عقّب اللي للردى حـط العـذر شماعـه
الله لايـحـوجـني لاشكـاله ولايـحـداني


محمد بن موفي

طلوع المعالي ما يشابه نزول القاع
طواريقنا من شـرّد الفكـر منقيّه

يقول ويطول اللي له الكايده مطواع
قليل السوالف والمواقف حقيقيّه

فداياه عفنٍ لـين يفنى قصيـر ذراع
تضيق الفيافي فيه لا شاف طرقيّه

علومه وضيعه عنده بكل ساع قناع
يضيع القوايل ويتعامل بفوقيّه

سالم الحويمضي

ياللي تناقشني وانا مستحي منك
ماودي اكشف لك ملف الحقايق

اخاف لايجرح ضميرك ويحزنك
ويصبح عليك الصبح مانمت فايق

غالي وحنيتك من الضيق والضنك
وعن مايثير الشك بين الخلايق

واللي من علوم المقاريد يشحنك
تراه يستانس الى صرت ضايق

سلمان بدر الحويفي