اخترنا لكم

الوقت هذا طبعِه أقشر يروّع
الكذِب له جمهور والصدِق مكبوت

والكفو من ماهو يشوفِه ملَوّع
صار الخبِل له دور والعلِم مثبوت

وقتٍ يهَمّشْ فيه شيخ ومطوّع
ويمجّدون الناس بالكذِب سربوت

.....

لاتنخدع بالعالـم المتمصلحـه
مجَوّفين الروس وكبار البطون

لويمدحونك يوم لاجل المصلحه
بعده يذمونك سنين ويسخطون

.....

تعال خاشرني ترا الحي للحيّ
الخير خير الله ماهوب خيري

حلفت ما اكنز من حلالي ولاشيّ
كيف اكنـزه وانا ادري انه لغيري

عسى بيـوت ٍ ما لجـدرانها فيّ
تصيبـها دعـوة الاميـر السديري

فلاح القرقاح

نشدت لي شايبً عن زبدة علومه
جاوب سّوالي وعينه جالھا لمعه

اربع تھز الصُبور وتكسّر عزومه
جور الولد والفقر والشيب والدمعه

.....

العذر عند اهل الوجيه المطاليق
مقبول لو ان الخطأ كبـر ابانــات

مهما حصل ما دققوا فيه تدقيق
من طيبهم كل الدعاوي سهالات

.....

الرفقه اللي ماتوثق على ساس
لو جاملوا فيها قصيرٍ مداها

لا بدها من يوم تخرب وتنحاس
بعدين كيف الناس تكسب رضاها

.....

مهما بلغت من المكانة بالاعراق
ومهما ملكت أضعاف مايملكه حي

دام الرصيد أصفار في بنك الأخلاق
تأكد إنك شخص ماتمتلك شي

.....

ﺗﺪﺭﻱ ﻭﺵ ﺍﻟﻠﻲ ﻳﺠﺮﺡ ﺍﻟﻜﺒﺪ ﻳﺎﺳﻌﻮﺩ
ﺯﺭﻉ ﺍﻟﺠﻤﻴﻠﻪ ﺑﺲ ﻓﻲ ﻏﻴﺮ ﺃﻫﻠﻬﺎ

ﻳﺎ ﻛﺜﺮ ﻧﺎﺱ ٍ ﺗﺠﺰﻱ ﺍﻟﺒﻴﺾ ﺑﺎﻟﺴـﻮﺩ
ﻭﻏﺮّﺍﺕ ﺑﻴﻀـﺎﻥ ﺍﻟﻮﺟﻴـﻪ ﺇﺗﺨﺘﻠﻬـﺎ


...

لاتهمل صلاتك واغتنمها مدامك حي
من اهمل صلاته والله ان عيشته ودْره

لو ان عنده امن المال مالً مهوب شوي
لايمكن بكثر المال يشري سعة صدره

.....

إن طاب حظك باعلك وإشترالك
واذا تردى فاطيب أرياك يعميك

وان طاب حظك في المجالس حكالك
وليا تردى الحظ قام وحكى فيك

وان خاب حظك آه وعزتالك
راحت عذاريب العرب كلها فيك

وإذا تردى الحظ عزي لحالك
أدنات مابه ناقص العقل يذّيك

.....