اخترنا لكم

‏من لا صحى من صكت الوقت لا دار
ما عاد يصحي لو تدور الدواير

ومن لا قراء معنى الاشاره باالانظار
ما عاد ينفع لا انفضح له سراير

الحر يفقس بيضته عزم وإصرار
ولا ضف ريشه يعتلي الجو طاير

.....

اختر خوة الي لا عطتك الظروف آيعاز
هبد صدره وحرر قيودك من الضيقه

خطوى نادر ماهوب يزمل ولا ينهاز
في نظرت عيونه حلمك تشوف تحقيقه

واترك خوة الي لا بدا لازمك ينحاز
تقول آدْمي ٍ متوكد من تفافيقه

عسى الي يثمن وقفت الطيب المعتاز
يفاجى بشيك يربك البنك تصديقه

.....

لمحت جرح الثرياء في ظلام الليال
يوم اشتكت نجمة الاحلام من جرحها

انا ادري انك حقيقه في رفوف الخيال
واكبر دليل الغبار اللي على سطحها

.....

وقفنا على باب الأمل وقفة المحتاج
ورجينا كريمٍ ماهو يصكّ بيبانه

يناجيه عبده وما يردّه سحا واحراج
ويطلبه من فضله ومدّته واحسانه

عسى مِقبِل الأيام يسر ورخا وافراج
وعسى ما مضى يمحاه عفوه وغفرانه

.....

الصباح اللي يجي مع طلته لك سـيره
أشهد إنه صبح متميز ولاهو عادي

والغيـاب اللـي يطول ولاحصل تبريره
يشغل افكاري وروحي تفقدك وتنادي

.....

الصبح به ميزات عن كل الأوقات
ماتـشمل اللـي للفجر مايقومون

دقايقه تمضي تتابَع سبوقات
يظفـر بها اللـي للفرايض يؤدون

واللي يبي يشوف هذي الفروقات
يقوم ويصلي مع اللي يصلون

.....

مادام الحياه موليه والعمر محدود
ونا مسلم ومومن وربي معافيني

ابا اتبع هوا نفسي وبطلب من الله زود
ولامت عسى الله من النار ينجيني

.....

قربك من اهل الطيب فيه المكاسيب
تـجـني ثـمـرهـا بـالحـيـاه الكـرامـه

ان جـيتهم يطربك زيـن الـتـراحيب
وان رحـت عـنـهم ودعـوك السلامه

واهل الردى قربك من بيوتهم عيب
لأجـيـتـهم ماشلت غـيـر الـمـلامـه

مايـنـكـرون افعالهم بالاصـاحـيـب
عـدوان تبغـى لرفيق انهـزامـه

.....

سرينا سرينا ياخويي حداني الضيق
علي الطواري ي احمر العين مجتمعه

يغلوي فوادي يبن ابي مثل غلو بريق
ولا باقي الا شوي واسيل الدمعه

شعفني هبوب بقيق من يوم جيت بقيق
وانا ادرى على المنقود وادرى على السمعه

.....

سقنا الهقاوي الى العليا وساقتنا
عزايم من ظروف الوقت مالانت

وان جات زلة رفيق من رفاقتنا
ماضاقت اخلاقنا منها ولاشانت

الا لامنها تعدت فوق طاقتنا
نصد والنفس لاذلت ولاهانت

حتى ولو نرجع وترجع علاقتنا
لايمكن انها بترجع مثل ماكانت

.....