ديوان الأمير بدر بن عبدالمحسن

أبعتذر… أبعتذر... كلي ندم...
عن كل شيء.. إلا الهوى..
ما للهوى عندي عذر...
اتصدقي... ماخترت أنا أحبك..
ما أحد يحب اللي يبي..
سكنتي جروحي غصب..
يا حبي المر.. العذب...
ليت الهوى وانتى... كذب
كان أعتذر لك عن هواي..
وما أقول أنا كوني معاي..
إن ضايقك أني على بابك أمر..
ليلة ألم...
وإنى على دربك مشيت عمري وأنا..
قلبي القدم...
أبعتذر.. أبعتذر.. كلي ندم..
عن كل شيء.. إلا الهوى..
ما للهوى عندي عذر..
الله كريم.. حبك.. يكون..
همي القديم..
وجرحى القديم...
والله عليم .. يا أحلي العيون..
إن الفراق.. جزا الفراق..
أبوعدك.. كان الطريق بيبعدك..
بامشي بطريق..
وكان الحجود بيسعدك...
ما لي رفيق..
أبجمع أوراق السنين.. وأودعك..
كان الفراق اللي تبين... الله معك

البدر

لليل أحبك… ما بقى في السما نور
وإلي ضواني الليل… للصبح أحبك

واللحظة اللي كلها صد وغرور
أشوف قبري بين عينك وقلبك

في صدري اسراجٍ حزين ومكسور
رغم المطر والريح... شلته افدربك

والله ما به غير لوعاتي قصور
وخوفي عليك الله ربي… وربك

إلى متى ببني على صمتك جسور
لاحيرتني أسباب سلمك وحربك

العمر أحبك... ما بقي فيني شعور
ومتى جفاني العمر... وشلون أحبك

البدر

كل ما كتبت أبها نشت فوق الأوراق
سحابة وابتل في الصدر معلوق

أخيل بين أصابعي نوض براق
وكن القمر ينبت له غصون وعروق

البدر

وين ينبت هالنخيل
إلا بين ضلوعنا

ولاّ يشعل هالنجوم
إلا ضي شموعنا

البدر
أبها قبل 35 عاماً

جديله ما وراها صبح
ألا يا طول مسراها

وعينٍ ما تمل الذبح
كأن أحبابها عداها

البدر

صحت نجدٍ على صوت العويل ولجّة الغربان
عوافي.. قرِّبي منْك الوساده وادخلي لحافك


مختتماً القصيدة بأبياتها ذات الفخر بالملك المفدى سلمان بن عبدالعزيز حيث قال البدر:

أنا والله مدري وش تبي يا الثاير الزعلان
تظن بلادنا ترجيك أو ان ملوكنا تخافك

تبي سلمان ناظر في السما كانك تبي سلمان
تخيب يديك ما طلته ولا طالوه أسلافك

البدر

من يحب الوطن مثلي يقوم
يلبس الردن ويلبس مجنده

ويركز البيرق بعالي النجوم
وينتخي بالحطيم ومسجده

البدر

بالشهادة حياة للوطن والشهيد

عند ربه عزيز وعند ربعه كريم

لا تلوح البواكي من حيا من جديد

في القلوب وبنا له مسكن في السديم

من قضى دون أرضه دون عرضه سعيد

يستحق الفرح لو كان فقده عظيم

في الأسود البواسل لو نقول ونعيد

ما لحقنا جزاهم جعلهم في النعيم

وأخذ الشاعر البدر في قصيدته الأولى عشاق القافية والحرف إلى جمال المفردة وخيالها، في الثناء على الشهيد ومكانته، ممتدحاً الدماء الزكية التي روت الأرض حباً للشهداء، حيث قال:

ما سقى القاع غيث مثل دم الوريد

منه يخضّر صخر الأرض قبل الهشيم

جيت أهني النشامى من قريب وبعيد

ما أعزي اليتامى طفل غير اليتيم

أحمد الله اللي جعلنا أحرار مانا عبيد

ما عرفنا الهوان وما قهرنا الخصيم

مختتماً سموه قصيدته الأولى بأبيات الاعتزاز بالوطن وقائده، منوهاً بمحايل عسير التي تستضيفه قائلاً:

يا محايل عسير ويا سراة القصيد

فيك يزهى جديدي وأستعيد القديم

يا بلادي فدتك الروح مالي الوحيد

اللي يعشق قُمَرك وزهرتك والنسيم

وعاش سلمان سترك والولي العضيد

رغم أنف الحسود ورغم أنف اللعيم

أبشري يا دار

البدر