فوق هام السحب ( الشعر الشعبي) على متن القوافي

‏يقولون من لاخاف درب الخطايا زل
‏وتمام العقل من خاف من وجه خلاّقه
‏َ
‏تذكر رقابة خالق الكون عز وجل
‏وتذكر عطاه وستره وفايض آرزاقه
‏َ
‏وتذكر وقوفك يوم تاقف ماعندك حل
‏في يومٍ يشيب الراس من شدة آرهاقه

......

‏إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

......

‏أهيم متمرد، وعاصي وغلطان
‏حتى يرجعني لـ رشدي عتابك

‏وأستقبل ظروفك وأجازيك الإحسان
‏ولا نعيم أغلى علي من عذابك

‏على كثر ما أمر الأيام عطشان ؟
‏أتعمد أني ما أتبع إلا سرابك

‏كم لك تمر أرضي بـغيمة وهتان
‏ولا سقيت أرضٍ تحرت سحابك

‏وأنا لو أني في مكان السحب ؟ كان
‏فلّيت مجدول المطر في ترابك

......

‏اقدر انسى كل ماضيك واشعر بارتياح
‏لاتحسبني بلياك ما اعيش وحدي

‏اعتبرني واحدٍ صادفك مره وراح
‏وانا بعتبرك حمامه وطارت من يدي

......

‏اضيع معها ليا من ضاع منها الكلام
‏من كثر ماتنطق الكلمه على مستحى

‏العنق فيه الخطر والوجه فيه السلام
‏والهم لا شاف ضحكتها جلا وانتحى

‏ماهي بـ فارع طويل ولا قصيرة مقام
‏الشمس من فوقها تعلن صلاة الضحى

‏اقرأ عليها قصيدي وان تلاشى الظلام
‏اقرأ عليها الفلق والفاتحه والضحى

......

‏بين درب مايودي ودرب فيه شوك
‏ونظرةً ماتلحق اهل الغرام شفوفها
‏
‏ودي اطيل النظر فيك يالوجه الضحوك
‏مابعد وجهك وجيه يسلي شوفها

‏تدري انها ماتعوضني اموال البنوك
‏لاعطتني فرصة العمر عرض كتوفها

‏تبخل بـ صح الله لسانك ولا فض فوك
‏واكتفي بالنظره اللي ذبحني خوفها

......

‏انصف ابيات القصيده دخيل امك وابوك
‏كل ماشيخت طاريك بين حروفها

‏ليه الوم الناس لاهمشوها وانصفوك
‏وعينك اوسع من بحرها ونوفك نوفها

‏لك قْلاده فـ المرايه وصوره وسط بوك
‏كل ماحاسب عن الطيبين اشوفها

‏ليلةٍ جابتك من غرب واحلامي بروك
‏والله ان اموت ماسج من معروفها

......

‏يا الصبح خذ مني مراسيل الاحباب
وارســـل لكـل النـاس مني سلامي

بلـغ بهـا كل الرفاقـــه والاصحاب
واهــدي لهم ودي وكـل احترامي

للاصدقا من كان حاضر ومن غاب
اللي لهم في القلـب زود اهتمامي

رغـم التباعد حبكـم بين الاهداب
هـذا الحقيقــه قلتهـا فـي كلامي

......

‏مشاعرالشوق فاضت كان تفهمها
مشتاق لك والمشاعردوم تشتاقك

أهيم بك عشق بطيوفك واناارسمها
وش لون لامرني زولك وبراقك

والدمعة اللي على عيونك معالمها
اشعربها قبل لاتنزل من احداقك

وفيض الغلا الي مع عروقي يوسّمها
ادري به انه يفيض بوسط خفاقك

......

‏يا أجمل الناس من فوقي و من حدري
إلّا أنت . . ما بين قلبي و بين دقاته

بدري على الناس تعشق مثلنا بدري
لا صرت تكبيرة الحب و تحيّاته

معطيك وجهي و أمان الله من غدري
والله يجازي إبن آدم بـ نياته

تدري أحبِك و لكن وشكثر مدري
القلب لا يمكن إنه يعدّ نبضاته

......