فوق هام السحب ( الشعر الشعبي) على متن القوافي

ياحمام الدوح هيجت الغرام
ما سبب نوحك ومالك من مرام

أعطني عهدك وخذ مني ذمام
بيعني شوقك وخذ شوقي بديل

......

‏لا تستفزك ذكريات الراحلين
ما فيه احد يبقى معك إلى الابد

تظاهر بضحكتك لو قلبك حزين
ملامحك فيها من الغربة بلد

حاول تعيش العمر بـ حساس السنين
عابر واذا مريت ما ترجع لـحد

واذا ذبحك الشوق واوجعك الحنين
تذكر إنك م انت وحدك من فقد

......

‏قالو يحبك ، قلت لا تظلمونه
قالو يبيك ، وقلت ياناس تكفون

انا عرفته ، قبل لاتعرفونه
ماقال احبك ، انتم اللي تقولون

انا دخيل الله الحب ، لاتغصبونه
الغصب لا ريح لا طعم لا لون

ماهو بكيفه يعشق اللي تبونه
الحب اعمى طول عمره بلا عيون

قريت رده في محاجر عيونه
يقول انا هايم بغيرك ومفتون

......

‏أنتم تحبوني وانا أحب ثاني
واللي احبه باغي ناس ثانين

هذا ابتلى فيني و هذا بلاني
واللي بلى مبلي وباليه مسكين

انا ترجـيـتـه وغـيـره رجـاني
والمشكله ما ينقل القلب حبين

......

يشــتاق لك قلب العنا وين ماراح.
يلي غلاك اقرب من الروح للروح

لا تحســبنك بالهوى طيف سواح.
يحوم حول القلب لحظات و يروح

لاوالـــذي خلاك للقلب جراح.
إنــك معي ياغالي ويــن مااروح

......

سألت ربي ياأبيض ااالقلـب يرعــاك
ويعطي العيـون اللـي تضرك عماها

عسـى السعاده دايم الــدوم ويـاك
وعسى الفرح يأتيك من سابع سماها

......

‏للحب في الخافق رموز وعلامات
‏تعطي إشاره عن غلا شخص موجود

‏والصاحب الغالي على الـروح بالذات
‏يعرف تفاصيله . اذا كان مقصود

......

أبعد عن اللي لازعل ينكر الطيب
اللي تقلب عشرته مع مزاجه

إن راق رقاها طوال المراقيب
وإن ضاق ضيقها على أدنات حاجه

خلك مع اللي ماذكر به عذاريب
اللي على الطولات طلقن حجاجه

ان راق قام يمس عكف الأشانيب
وان شان وقته ماتعكر مزاجه

......

بعض البشر لا تقترب منه كثير
خل المسافه عن حدوده وافيه

لو نيتك زينه .. وقلبك فيه خير
اضبط حدودك والمساحه كافيه

احذر تسرّع .. ثم تندم بالاخير
البعد عن بعض الاوادم .. عافيه

......

بعض البشر للجرح بلسم وتضميد
وبعض البشر للقلب هو مصدر الجرح

ناسٍ تجيب العيد وناسٍ كما العيد
العيد واحد لكن الفرق بالشرح

......