فوق هام السحب ( الشعر الشعبي) على متن القوافي

‏لا بد من عقب المطاريش معــواد
‏ولا بد من عقب المواجع عوافـي
‏
‏ولا بد من عقب السهر لذة رقــاد
‏ولا بدمن عقب الكدر جو صافي
‏
......
‏

‏كل ما شانت وجيه الناس وسّع صدرك
‏لا تحسب إن في يدين الناس نار وجنّه

‏القريّب لا تكدّر خاطره وإستدرك
‏سامحه وإن جيته بزلّه تسامح منه

‏ولا تعلّق خافقك باللي ما يحفظ قدرك
‏كثر ما تقدر توخّر عنْه وخّر عنّه

......

‏النعم مايطلق على كل رجال
‏ولا كل من يبغى المديحه وجدها

‏ولا كل رجلن للثقيلات شيال
‏ولا كل من يزرع زروعن حصدها

‏النعم للي لـ الصعيبات حلّال
‏ولا شانت القالات حلل عقدها

‏لا جا مجال الطيب يضربه امثال
‏على اسمه الخفره تسمي ولدها

‏ماهوب ملقوفن على الربع شيّال
‏معطيه ربه نعمةٍ ما حمدها

......

‏ما يجحد حقوق الرياجيل رجال
‏ولا يحقر سلوم الصداقه سنافي

‏لا خابت الهقوات في بعض الاشكال
‏ماخابت الهقوات في كل وافي

......

لاتحسبوا أنّ المصائبَ صدفة
تأتي وليس لوقعِها أسبابُ

هي مانخبِّئُهُ وراءَ ضُلوعِنا
من نيةٍ نحو الورىٰ تنسابُ

......

عسى ماباس ياقلب جريح وخاطره حساس
عسى ماجورياصدر كفيف احلامنا قده

كتبناها لذيذ احلامنا في صفحة الكراس
على بيض الورق نكتب وحبر آمالنا مده

على القرطاس نبنيها آمانينا على قرطاس
وهبات الهوى دايم تهز الحلم وتهده

ولو طاحت امانينا من اوراق الرجا لاباس
تزودنا محطات الرخافي ساعة الشده

ولوطالت مسافات الأماني مالحقنا ياس
نقول الخير والخيرة بها لوطالت المده

......

‏لو تموت آحلآمنآ تبقى آلسوآلف
‏مآتنسينآ آلليآلي وش حكينـآ

‏نبتسم حتى لو آن آلحلم تآلف
‏نزرع آلآآمآل لكن مآجنينآ

‏ننجرح ونقول عآدي مآيخآلف
‏و كل جرح يوصي آلثآني علينا

......

‏حاولت أطيع القناعه و أهمل الانتظار
مدري غلبني حنيني أو غلبني غلاك

يحدني لك وله عيّا يصون الوقار
وأخاف نفسك تثاقلني و أداري هواك

ولا قدرت امنع احساسي يحب و يغار
أروح و أرجع أدور عن دقايق لقاك

لا تختصر في كلامك أكره الاختصار
ولا تبتعد عن خفوقً عاف غيرك وجاك

كذبت من قالوا أن قلوبنا باليسار
من كثر ماكنت أحس القلب يمشي وراك

لا يستفزك شعوري و السوالف كبار
واللهْ ما جيت كلي عاشق الا معاك


......

لا تــتاجر في محـــبتنا تجـــاره
لا تخـــرب ما بنــــيته من زمان

دام قد حزت التمـــيز والصداره
واسمك اتصدر على راس البيان

دام انا لك فالهوى رهن الاشاره
لا تدور غـــير حــــبي والـــحنان

شوف ها؟ ما تشوف الا الخساره
غير حـبي ماعلى العـالم ضـــمان

وانت فكر قبل لعـبك والشطـاره
لا تـراهن وانت خاســر فــالرهان

كل كوكب فالسـما يعرف مـداره
وانـت مـالك غير قلبي مــن مكان

ماحدا فـالحب يخلف عن مساره
هـكـذا طبع المــــحبه يافلااااااان

لا يـعـود القـلب من بعد انكساره
او يسامح بــعد مـا* فـات الاواان

......

‏ياقلب مامليت تقليب الاوجاع
ماعاد فيني للطعون استطاعه

حاولت احد الصبر يمي ولا طاع
لا الصبر طايعني ولا الجرح طاعه

ياليتها في ساع وتروح في ساع
لكنها متجدده كل ساعه

الجرح طامع وايضاً الوقت طماع
ياطمعاً ماعاد فيني طماعه

كم ضيقة كنيتها بين الاضلاع
اكنها واضحك لاشفت الجماعه

......