اخترنا لكم شعر نبطي وفصيح

‏خذني على قد قلبي خل عقلي بعيد
‏العقل مهما كبر فالحب وش دخله

‏مشاعر الناس ما تمشي بعقلٍ رشيد
‏تمشي بحكم الغلا والعاطفه والولَه

.....

‏وان شحت الايام ما شح صبري
‏انا اتغانم فرصتي ما احتريها

‏شفني كبرت من التجاريب بدري
‏ونصايح اهل المعرفه ما اشتريها

‏ولو انكسر ما بان للناس كسري
‏انا كسوري للشموخ امتطيها

.....

‏عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

‏أحنه لا يحز بخاطره لومي رغم ماصار
‏وتجاهلت الشعور اللي تسبب فيه باسئلته

.....

‏سولف علي واذبحني بنبرة الصوت
‏وامسك خفوقي قبل تمسك يديني
‏
‏عليك ماني بداعي جعلك الموت
‏لكن عساك تعيش وتموت فيني

.....

‏أحيان تلقى شّخص يفرق عن الناس
‏في عزّته في طهره وطيب قلبه
‏
‏وتلقاه يحمل في ثنى صدره إحساس
‏تنسى معه كل البشر وأنت جنبه

.....

‏حنا نحب الطيب ونموت بالطيب
‏ونحب صدقان الوفاء والشهامة

‏عاداتنا نرقى بروس المراقيب
‏ونبقى عليها لين يوم القـيامة

.....

‏ياليتنا نرجع مثل اول اطفال
‏طهر وبراءه مابنا ظن كافر

‏ اللي يزعلنا يراضينا بريال
‏واللي يتوفى نحسب انه مسافر

.....

ثنايا طلّتك على ثنايا الخاطر المشروح
‏ يباشرها قصيدٍ عنْك لا كفّى ولا وفّى

‏ مساء الخير يا كلّ الوجيه اللي تردّ الروح
‏ ما هي بعض الوجيه اللي تردّ الليل لا قفّى

.....

ياقبلة الروح مدري قبلة المترفات
‏مازال حبك مقيم وذكرياتك عطر

‏لو تكثر الامنيات وتكثر المغريات
‏مالي طمع غير في صوتك وصوت المطر

.....

‏يزهمني الحلم لا هودل حمام الصباح
‏والأرض تغري خْطاي وتبسط كفوفها

‏إنسان صالح ومالي فالأوادم صلاح
‏وكل أُمنية مستحيلة كنّي أشوفها

.....