فوق هام السحب ( الشعر الشعبي) على متن القوافي

لا تسأليني عن احوالي ترى ما من جديد
اجروح قلب المعذب في الحشاء نازفه

في داخلي جرح ينزف من صميم الوريد
وشمس الفرح في حياتي يا الغلى كاسفه

ما اغير اغني حروف ابيات عذب النشيد
واجمع بقاياي وارياح الحزن عاصفه

......

الأمـل بـالله .. بـاقـي للأبـد
والأمل بالناس وقت وينتهي

عـادة الدنيــا بها همّ وكبـَـد
ماذّكر مخلـوق فيـها مهتـني

ولايضيع اللي لخلاّقه عَبَدْ
والله الرّ زاق عن خلقه غني

......

‏هات لي قلب يواجـه هالحنين
‏قبل تسأل ليـه عيونـك باكيـه
‏
‏حيـل تتعبني طيـوف الغـايبين
‏حيـل تتعبني دموعي الوافيـه

......

‏اليتم يتم الأدب والموت موت الضمير
‏ والحب حب المعالي ... باختلافاتها
‏
‏والجرح جرح المشاعر من لسان الحقير
‏والصوم صوم الجوارح عن شهواتها
‏
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏راجح المغيري

‏ياناس راعي المحبة لا تعذلونه
مهوب عن صاحبه داله ولا سالي

لويسهر الليل كله لاتلومونه
الحب بلوى مانيب اول ولاتالي

......

رفيق دنياي مهما طول الغيبه
يبقي له الشوق في روحي يخالجها

لو سج مني وراح الوقت يقفي به
طواري الطيب قلي وش يسججها

......

الشوق يكبر وقدرك بالغلا يكبر
‏ شف ودّك اللي خذاني وين وداني
‏
‏ من كثر ماشتاقلك وأغليك وأتصبر
‏ قام يتلعثم حنين القلب بلساني
‏
‏ أخاف أبين مدى حبك و تتّكبر
‏ وأخاف أبين صبر قلبي وتنساني

......

‏فاقدك والوقت يسألني عليك
‏وده من الشوق يجمعني معك

‏ما ابي منك … انا كلك ابيك
‏ودي قربك وانهي اللي يمنعك

......

‏مدري عن اللي حصل لكنه بكيفك
سمعت هرجك وزاد اليوم تحذيرك

واللي مضى بعتبر نفسي ترى ضيفك
ومن بعدها كثر الله يالغلا خيرك

......

أبتسم ترى العمر تحصيل حاصل
كُن سعيد اكثـر تكون اكثر وسامه

السلام .. أسهل أساليب التواصل
واجمل أنواع السلام .. الإبتسامه

......