فوق هام السحب ( الشعر الشعبي) على متن القوافي

أقلّب في شريط الذكريات
تمرّني " وجيه " ما ترجع أبد !

اللي خذاه الموت : عدّاني وفات
واللي خذاه الوقت : خلّاني وصد

ما عاد باقي في حياتي .. مغريات
لا غربتي : توجع ولا فاقد : بلد

بلا أمان ولا شعور ولا أمنيات
وحيد لكن ما انتظر : رجعة أحد

......

ما شاف دمعي لا نبيه و لا سفيه
و إليا أجتمع دمعي نثرته فـ التقا
َ
عليك ياللي خَذتْ منّي ما تبيه
و عوّدت خابرني على مـ أنت تهقا
َ
وش ذا اللقى اللي كَنْك مغصوبً عليه
اللي ما فيه أرحب و لا فيه البقا
َ
ترى الغياب أحيان حفظاً لـ الوجيه
أخير لك والله ولا بعض اللقا

......

مكارم الناس بالاخلاق . مذكوره
وبيض النوايا . تبيض وجه راعيها

والكلمه الصادقه ! ماهيب مستوره
من بين الاجواد ماتقصر مساعيها

......

‏الحمد لك يـا إله الكون سبحـانـك
‏والشكر لك والثناء والفضل والمنّه

‏ما تنقفل دون من يدعيك بيـبانـك
‏ومن ظن بك خير جازيته على ظنّه

‏ما نطلبك غــير عفوك ثـم غفرانك
‏ورحمتك في الآخـرة والفوز بالجنّة

......

يموت حلم وينخلق حلم غيره
ماتوقف الدنيا على موت الاحلام
⠀
عيش الحياه وفضها اليوم سيره
العمر مره والتوافيق قدام

......

‏من دق باب الوفـاء يلقى الوفاء رده
ومن دق باب الجـفا ياخـذ على قده

حنا درسـنا الوفـاء جـزره على مـده
وما يكسب الواحد غير ما قدمت يده



......

ياباذل المعروف لابد تلقاه
أجرن عظيم وفيه تكسب جمايل

واللي فعل معروف مولاه يجزاه
ولاخاب من حصّل كثير الفضايل

الرجل يرفع قيمته فعل يمناه
لاصار له فعلٍ يجي به دلايل

ولا الردي لو جيت يمّه وتنخاه
مامن ورى راع الرديه صمايل

......

اصحاب وقت الشدايد تكسر الحاجز
لا شـي علئ يدّهـا حاجـات تقضـيها

واصحـاب ما تعرف إِلا شغلة الحافز
خمســه دنـآآنيـر تغضبـها وترضيـها

......

الحـاجـه الـلي دونها مـنـة الـناس
خـليـتها وارجي مـن الله عـوضها

الناس لو تقدر على كتم الانـفاس
كان امنعت حتى الهوا عن بعضها

......

ما كل ما تلقاه عينك تمناه
‏بعض الاماني تنصدم بالحقايق

‏ولا كل شيٍ في الحياه انتحداه
‏الاقدار تحكمنا بحكم الوثايق

‏ولو كان كل اللي بغيناه نلقاه
‏ما شفت فالدنيا حزينٍ وضايق

......