اخترنا لكم

امست جميع الاوادم والجريح امسى
يسامر الليل والاشواق وحداني

من يحسب ان الهوى له مركب ومرسى
ترى المحبه عذاب وعالمٍ ثاني

يا محمد الوقت لو يجرح ولو يقسى
انا ما احب اكسر الخطّر ولا اداني

ولو اني انسى جميع الناس كيف انسى
اللي حلف ما يخليني وخلاني

.....

أسهر مع النجمه اللي ما بعد غابت
واراقب نجوم ليلٍ طال مسراها

كم ليلةٍ من هواجيس السهر شابت
يغشى سَحرها جدايل ليل ظلماها

.....

لانامت الناس قمنا بالهوى نسري
ناس تبوح المواجع وناس تخفيها

.....

فارقت يوم إن المفارق ضروري
وخليتهم للوقت والوقت دوار

لله در الكبرياء في شعوري
كبير وجروحه بعد مثله كبار

ما عاد يرضينا الهوى يا غروري
خل الهوى للي يجيدون الأدوار

.....

‏أحيان اشوف الخطا صحيح ومناسب
واحيان اشوف الصحيح وما يناسبني

.....

عذرته وسامحته على كل ماسواه
ومديت له كف المفارق وودعته

أحبه ولكن خآطري جاه ما كفـاه
يكفيني أني لا جرحته ولا اوجعته

.....

كيف أخلّي للزعل بيني وبينك مجال
وأنت صوتك يشرح الخاطر ووجهك حلو

كنّ ألوّك كل ما أزعل مع كل إتصال
جرعة مهدي للأعصاب ما كنّها بـ ألو

.....

‏الشاعر المرحوم حمد المغيولي رحمه الله رحمة واسعة،
ومن روائع شعره يقول:
‏
‏دنياك لو تسوى من الحــزن ذره
‏ما كان تاليها توابيت وقبور
‏
‏العمر يمضي بين حلوه ومــــره
‏والموت حق وقابض الروح مأمور
‏
‏دام الحياة الفانية مستقــــــره
‏ورزقك يجيك وبين الأجواد مستور
‏
‏لا تنشغل بالوقت برده وحـــره
‏واحذر تصير بقسمة الناس مقهور
‏
‏حكم القدر لاجاك خيره وشـره
‏أشكر عظيم الشان والذنب مغفـور
‏
‏أطلق خيالك وأترك النفس حـره
‏وخل الطبيعة في حياتك لهـا دور
‏
‏وبالليل لا بانت نجوم المجـــره
‏أذكر بديع الخلق بحساس وشعور
‏
‏وأسجد لرب الكون مره ومــره
‏وأحفظ لسانك وأترك الكذب والزور
‏
‏وفروض ربك خلها مستمــــره
‏وطاعتك لا يدخل بها نقص وقصور

من حاول النسيان خله وانسه
فالنور ولا فالظلام الدامس

كم واحدٍ لا من تثاقل نفسه
يصير ريشه لا عطيته خامس

.....

لنا الظواهر مير يالله بالهدايه والصلاح
ماعندنا تصحيح غايات البشر وظنونها

.....